Tadqiqotchilar soniyaning kvadrilliondan bir qismi mobaynida moddani Quyosh haroratida qizdirdi

Londondagi Imperiya kolleji fiziklari moddani lazer yordamida atigi 20 femtosoniya (soniyaning kvadrilliondan bir qismi) mobaynida Quyosh yadrosi haroratidan oshiq haroratda qizdira olishni o‘rgandi. Olimlarning ta’kidlashicha, yangi uslubning tezligi eng ilg‘or lazer tizimlarinikidan ham 100 barobar yuqori. Bu haqda Nature Communications jurnali xabar bermoqda .

Foto: NASA

Yangi uslub birinchi galda termoyadroli sintez texnologiyalarini ishlab chiqish uchun zarur. Reaktorlar faoliyati uchun Quyosh bag‘ridagi sharoitlar va jarayonlarni yaratib berish hamda ashyolarni qisqa muddatda o‘ta yuqori haroratda qizdirish lozim.
Hozircha yangi texnologiya nazariy model ko‘rinishida. Izlanishlar uning yordamida ko‘p bo‘lmagan miqdordagi qattiq moddani bir necha o‘n femtosoniya ichida Selsiy bo‘yicha 11,6 million darajada qizdirish mumkinligini ko‘rsatmoqda. Tadqiqotchilar modelning haqqoniyligini tajribalarda ko‘rsatishni rejalashtirgan.
Batafsil | Подробно | Read more... Daryo