Samarqanddagi bolalar bog‘chasida ovqatga 29 kg o‘rniga, 11 kg go‘sht ishlatilgan (foto)

Joriy yilning 24-yanvar kuni Maktabgacha ta’lim vaziri o‘rinbosari Q.Aripov, Samarqand viloyat maktabgacha ta’lim boshqarmasi boshlig‘i N.Sadinovalar Samarqand shahridagi 69-sonli maktabgacha ta’lim muassasasida bo‘ldi. Bu haqda Maktabgacha ta’lim vazirligi rasmiy sayti xabar bermoqda .

Foto: Maktabgacha ta’lim vazirligi

O‘rganish ertalab soat 8.05 da boshlanganiligi bois, hali tarbiyalanuvchilarning aksariyati bog‘chaga kelib ulgurmagan edi. Vazir o‘rinbosari o‘quv-tarbiyaviy mashg‘ulotlar va guruhlardagi sharoitlar bilan tanishishni keyinroqqa surib, fursatni boy bermaslik maqsadida, mazkur bolalar bog‘chasi oshxonasiga to‘g‘ri kirib bordi. Albatta, oshxonaga kiriboq u yerdagi tartibsizlikni ko‘rgan kishining dili xira bo‘lishi tayin. Odatagidek, o‘rganuvchilarni bog‘cha oshpazi kutib oldi. Mehmonlarni kutmagan oshpaz opa, shoshib qoldi shekilli, vazir o‘rinbosarining “Necha tarbiyalanuvchiga tushlik tayyorlayapsiz?”— degan savoliga javob bera olmay dovdirab qoldi. Maktabgacha ta’lim muassasasi xo‘jalik mudiri anchagina tajribasi bor ekan shekilli, ushbu savolga: 297 nafar — deb tezkorlik bilan javob qaytardi.

Foto: Maktabgacha ta’lim vazirligi

Shu mahal, endigina qaynay-qaynay deb turgan katta qozon hamda go‘sht mahsulotlari uchun mo‘ljallangan stol ustidagi tog‘oraga solingan go‘sht vazir o‘rinbosarining e’tiborini tortdi. Me’yor bo‘yicha bir bolaga 100 gramm go‘sht mahsuloti ishlatilishi lozimligini inobatga olsak, bugungi tayyorlanayotgan tushlikka 29,7 kg go‘sht mahsuloti ishlatilishi kerak albatta. Shu me’yorlarga rioya etilayotganligiga amin bo‘lish maqsadida vazir o‘rinbosari boshchiligidagi guruh a’zolari qozondagi go‘sht mahsulotining vaznini o‘lchab ko‘rishdi. Afsuski, qozonga solingan haqiqiy go‘sht miqdori 3,7 kg. tashkil qildi.

Foto: Maktabgacha ta’lim vazirligi

Tog‘oraga solingan xom go‘sht mahsulotining og‘irligi 7,7 kg.ni, pishayotgan va xom go‘shtni qo‘shib hisoblaganda, esa jami 11,4 kg. tashkil qildi. Ana xolos, oddiy matematik hisob-kitobdan ham ma’lumki, tushlikka ishlatilgan go‘sht miqdori belgilangan me’yordagidan 17,6 kg.ga kam ekanligini bog‘cha ma’muriyati qanday izohlaydi? Oshpaz va xo‘jalik mudiri oshxonadagi muzlatgichdan bir tog‘orachada oylar davomida muzlatilgan suyaklarni (chamasi 3—4 kg) shosha-pisha ko‘rsatishdi. Aslida bu suyaklardan anchagina ilgari pishgan go‘shtlar ajratib olinganligi yaqqol ko‘rinib turibdi.

Foto: Maktabgacha ta’lim vazirligi

Oshxona yonginasida joylashgan omborxonada ham ahvol ko‘ngildagidek emas, aksariyat qishloq xo‘jaligi mahsulotlari noto‘g‘ri saqlanayotganligi aniqlandi.

Foto: Maktabgacha ta’lim vazirligi

MTMning tarbiyalanuvchilari bog‘chaga kelganliklariga amin bo‘lgan vazir o‘rinbosari guruhlarda ham o‘rganish o‘tkazdi. Guruh xonalari, yuvinish xonalari, yotoqlardagi antisanitariya holatlarini hech qanday bahona bilan oqlab bo‘lmaydi.

Foto: Maktabgacha ta’lim vazirligi

Mutaxassislarning fikriga ko‘ra, bog‘chadagi haqiqiy ahvolning bu holatga kelib qolishiga maktabgacha ta’lim muassasasining barcha mas’ullari birdek aybdor. Aks holda, bir necha ogohlantirishlarga qaramay to‘g‘ri xulosa chiqarilganda edi, nisbatan ahvol yaxshiroq bo‘larmidi, deyiladi xabarda.

Foto: Maktabgacha ta’lim vazirligi

24-yanvar kunining o‘zidayoq Samarqand shahridagi 69-maktabgacha ta’limi muassasasi mudirasi Rayhon Ne’matova, xo‘jalik mudiri Avaz Gafarov hamda oshpaz Kibriyo Hamdamova bilan tuzilgan mehnat shartnomasi bekor qilindi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Samarqanddagi bolalar bog‘chasida ovqatga 29 kg o‘rniga, 11 kg go‘sht ishlatilgan (foto) appeared first on Daryo .
Batafsil | Подробно | Read more... Daryo