Hindiston “ishg‘ol etildi”. O‘zbekistonlik bokschilar Indian Open’ni kutilganidek 1-o‘rinda yakunladi

To‘xtash nima ekanini bilmayotgan o‘zbekistonlik charm qo‘lqop ustalari WSB oldidan kichik tayyorgarlik vazifasini o‘tab berishi kutilgan Indian Open musobaqasini umumjamoa hisobida 1-o‘rinda yakunladi.

Foto: MOQ

Asosiy tarkibning bir qator bokschilari Hindistonga yuborilmadi. Shunga qaramay, delegatsiya turnirda muvaffaqiyatli ishtirok eta oldi. 10 nafar bokschi bilan musobaqaga kirishgan O‘zbekiston terma jamoasining 7 bokschisi final janglarida ishtirok etdi.
Shulardan 5 nafari yakunda g‘oliblikni qo‘lga kiritdi. 52 va 56 kilogramm vazn toifalarida ringga chiqqan Xudoynazar Fayzov hamda Abdulhay Shorahmatov mos ravishda Hindiston, Mo‘g‘uliston bokschilarini taslim qilishga erishdi.
2 ta final Kuba vakillariga qarshi o‘tishi bilan alohida ahamiyat kasb etayotgandi. 64 kilogrammgacha bo‘lgan bokschilar o‘rtasidagi janglarni Iqbol Xoldorov kumush medal bilan yakunladi. U Jorj Moran Vinentga imkoniyatni boy berdi. Isroil Madrimov esa kubalik boshqa bir charm qo‘lqop ustasi Estrada Iglesiasni ayab o‘tirmadi va oltin medalni o‘ziniki qilib oldi. Bungacha Bahodir Jalolov ham kubalik sportchini taslim etib, finalga qadar yetib kelgandi.
O‘z navbatida Bobousmon Boturov hamda Bahodir Jalolovning o‘zi ham oltin medallarga ega chiqdi. Sanjar Tursunov esa kumush bilan cheklandi.
Shu tariqa O‘zbekiston terma jamoasi 5 ta oltin va 2 ta kumush medal bilan umumjamoa hisobida birinchi bo‘ldi. Mezbon Hindiston termasi musobaqani 2-o‘rinda yakunlagan bo‘lsa, kubaliklar 3-o‘rin bilan cheklandi.
Oltinlar

Foto: MOQ


Foto: MOQ


Foto: MOQ


Foto: MOQ


Foto: MOQ

Kumushlar

Foto: MOQ


Foto: MOQ

“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Hindiston “ishg‘ol etildi”. O‘zbekistonlik bokschilar Indian Open’ni kutilganidek 1-o‘rinda yakunladi appeared first on Daryo .
Batafsil | Подробно | Read more... Daryo