Boks. O‘zbekistonlik uchinchi tarkib a’zolaridan 4 nafari Bishkekdagi turnir finaliga yo‘llanma oldi

WSB oldidan O‘zbekiston boks federatsiyasi o‘z sportchilarini Hindistondagi India Open turniriga jo‘natib, yakunda shohsupa cho‘qqisidan joy olgandi. Zaxira bokschilarini esa tashkilot Qirg‘izistondagi Duyshenkul Shopokov xotirasiga bag‘ishlangan turnirga yubordi.

Foto: Google Images

Fotogalereya: India Open orqali yilni muvaffaqiyatli boshlagan o‘zbekistonlik sportchilar WSB ringlari uchun tayyor
Hisob bo‘yicha 41-bor o‘tkazilgan turnirga 10 nafar o‘zbekistonlik bokschi yetib keldi. Ular termaning uchinchi tarkibi deyilsa, to‘g‘riroq bo‘ladi. Shunga qaramay, ilk janglardan so‘ng 8 nafar bokschi chorak finalga yo‘l oldi.
Ularning barchasi mezbonlarga raqib bo‘lgandi. Bunda Qirg‘iziston sportchilaridan faqatgina -75 kilogramm vazn toifasida ringga ko‘tarilgan bokschi zafar quchdi, qolgan yetti jang O‘zbekiston termasi a’zolarining g‘alabasi bilan yakuniga yetdi.
Chorak final

-49 kg: Nodir Mirzaahmedov — Rahmonqul Avatov (Qirg‘iziston) 3:2
-52 kg: Fozil Abdumurodov — Janibek Musayev (Qirg‘iziston) 3:2
-56 kg: Oybek Jo‘rayev — Jenishbek Belosharov (Qirg‘iziston) 5:0
-60 kg: Rahmatillo Qo‘ziyev — Aman Avtandil uulu (Qirg‘iziston) 5:0
-69 kg: Fazliddin Meliboyev — Sirgak Abdijapar uulu (Qirg‘iziston) 5:0
-75 kg: Oqmurod G‘afforov — Azamat Kanibek uulu (Qirg‘iziston) 2:3
-81 kg: Bahrom Fozilov — Bayaman Ilyasov (Qirg‘iziston) nokaut
+91 kg: Obidjon Tohirov — Altinbek Abdujalil uulu (Qirg‘iziston) nokaut

Yarim final
Bir necha soat avval yarim final janglari bo‘lib o‘tdi. Boks murabbiyi To‘lqin Qilichevning “Daryo”ga ma’lum qilishicha, 4 nafar o‘zbekistonlik sportchi finalda jang qilish huquqini qo‘lga kiritgan. Bular:

-49 kg: Nodir Mirzaahmedov
-52 kg: Fozil Abdumurodov
-69 kg: Fazliddin Meliboyev
+91 kg: Obidjon Tohirov


Bishkek shahridagi turnirga mezbonlar va O‘zbekistondan tashqari Rossiya, Tojikiston va Qozog‘istondan ham vakillar kelgan bo‘lib, bokschilar soni jami 150 nafarni tashkil etgandi.

“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Boks. O‘zbekistonlik uchinchi tarkib a’zolaridan 4 nafari Bishkekdagi turnir finaliga yo‘llanma oldi appeared first on Daryo .
Batafsil | Подробно | Read more... Daryo