Buvaydadagi gaz ta’minoti korxonasining sobiq rahbari 2 yil muddatga axloq tuzatish ishlari bilan jazolandi

“Vodiygazta’minot” unitar korxonasining Buvayda filialiga 2009—2014-yillarda rahbarlik qilgan shaxs faqat qog‘ozda bor xodimlarning oyligini o‘zlashtirish bilan shug‘ullanib kelgani ma’lum bo‘ldi. Bu haqda “Farg‘ona haqiqati” gazetasi xabar bermoqda .

Foto: “Diapazon.kz”

Buvaydadagi gaz ta’minoti korxonasi rahbari mansab mavqeini suiiste’mol qilib, jiyanini filialga qorovullikka, tuman hokimligida kotiba bo‘lib ishlovchi ayolni esa nazoratchi lavozimiga ishga olib, 2013-yil oktabr—noyabr oylaridan 2014-yil iyuniga qadar ularga umumiy hisobda 12,3 million so‘mdan ortiq ish haqi hisoblab, pulni o‘zlashtirgan.
“Sudlanuvchi aybiga to‘liq iqror bo‘ldi. Sud unga 2 yil muddatga moddiy javobgarlik va mansabdor vazifalarda ishlash huquqidan mahrum qilib, ish haqining 20 foizini davlat daromadi hisobiga ushlab qolgan holda, 2 yil muddatga axloq tuzatish ishlari jazosi tayinladi”, — deyiladi gazeta xabarida.
Batafsil | Подробно | Read more... Daryo