Farg‘ona viloyatida yo‘qolib qolgan qizcha o‘lik holda topildi

Farg‘ona viloyati Oltiariq tumanidagi 6-sonli maktabgacha ta’lim muassasasi tarbiyalanuvchisi 6-fevralga o‘tar kechasi o‘lik holda topildi, deya xabar bermoqda “Gazeta.uz” Maktabgacha ta’lim vazirligiga tayanib.

Foto: “Gazeta.uz” / Google Maps

Tergov ma’lumotlariga ko‘ra, 5-fevral kuni 16:00 atrofida bog‘cha hamshirasi M.Qodirova o‘zining ikki farzandi bilan birga qaynotasining 5 yoshli qizi Kibriyoxonni olib ketgan. Qizchaning ota-onasi Turkiyada ishlagani sababli u II guruh nogironi bo‘lgan bobosi va buvisi qaramog‘ida yashagan.
Hamshira uch bolani uydan 50 km masofada qoldirib, o‘z ishlari bo‘yicha ketgan, bu haqda Kibriyoxonning buvisini telefon orqali ogohlantirgan va undan bolalarni uyiga olib kirishni so‘ragan.
Bu vaqtda 30—35 yoshlardagi velosiped mingan erkak bolalarga shirinlik olib berish bahonasida ulardan ikkisini orqa o‘rindiqqa, birini oldinga o‘tqizgan. Ko‘cha boshigacha borgach, erkak ikki bolani qoldirgan va qizchani o‘zi bilan olib ketgan.
Taxminan 17:00 da qizning buvisi hamshiraga bolalar uyga kelmaganligini aytgan. Kibriyoxon yo‘qolib qolganini bilgach, oila a’zolari mustaqil qidiruv boshlagan va bir soatdan so‘ng huquq-tartibot organlariga murojaat qilgan.
Qidiruv ishlari natijasida 6-fevral kuni taxminan 00:20 da Oqbo‘yra qishlog‘ida Kibriyoxonning tana jarohatlari yetkazilgan jasadi topilgan. Ushbu holat bo‘yicha tergov olib borilmoqda.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Farg‘ona viloyatida yo‘qolib qolgan qizcha o‘lik holda topildi appeared first on Daryo .
Batafsil | Подробно | Read more... Daryo