Farg‘ona shahri bosh rejasini amalga oshirish uchun to‘rt yilda 922 milliard so‘m sarflandi

Farg‘ona shahri bosh rejasini amalga oshirish uchun 2012-yildan to shu kungacha 922-milliard so‘m mablag‘ sarflandi, deya xabar bermoqda “Farg‘ona haqiqati” gazetasi.

Farg‘ona viloyati. Foto: O‘zA

O‘zbekiston Prezidenti tomonidan 2011-yil 15-noyabrda tasdiqlangan “Farg‘ona shahrining bosh rejasini amalga oshirish, 2012—2015 yillarda ijtimoiy va transport kommunal infratuzilmasi obyektlarini qurish va rekonstruksiya qilish chora-tadbirlari to‘g‘risida”gi qaroriga muvofiq, shaharda 27 kilometr masofadagi ichimlik suvi, 15 kilometr uzunlikdagi elektr va 18 kilometrlik gaz tarmoqlari yangidan tortildi.
110 ta transformator kapital va joriy ta’mirlandi, 11 tasi yuqori quvvatlisi bilan almashtirildi. 2 ta elektr energiyasi tarqatish punkti qurildi. Natijada 40 ming nafardan ziyod aholining ichimlik suvi, issiqlik va elektr energiyasi ta’minoti yaxshilandi.
Batafsil | Подробно | Read more... Daryo