Shavkat Mirziyoyev: Shahar jamoat transporti logistikasi shunday aqlli bo‘lsinki, buni odamlar sezsin (video)

O‘zbekiston Prezidenti Shavkat Mirziyoyev 9-fevral kuni Toshkentda amalga oshirilayotgan bunyodkor bilan ishlari tanishish jarayonida “Yunusobod” metro yo‘lining 2-navbati qurilishini ko‘zdan kechirdi va shu yerda shahar jamoat transporti faoliyati bo‘yicha o‘z fikrlarini bildirib o‘tdi. Bu haqda “O‘zbekiston 24” telekanalining “Axborot 24” dasturida ma’lum qilindi.



Hamma qilayotgan harakatlarimiz iloji boricha tezroq odamlar uchun sharoit yaratishga qaratilgan. Birinchidan, metro xavfsiz transport, ikkinchidan, arzon va qulay.
Eng katta masala — logistika, buni chuqurroq o‘ylash kerak. Avtobus va metro logistikasi shunday aqlli bo‘lsinki, buni odamlar sezsin. Odamlar sezishi uchun esa bir kun emas, har kuni ishlash kerak. Har kuni monitoring qilish kerak — qayerda tirbandlik bor, qayerda odamlar ko‘proq norozi bo‘lyapti, qaysi bekatlarda qay vaqt odam ko‘p, tirbandlik qayerda, qachon paydo bo‘lyapti, uning logistikasi qanday? Mana shu masalalarni ham o‘ylash kerak.
Hozir har kuni dronlar, vertolyotlarni uchirib, yo‘lovchilar oqimini tahlil qilish kerak. Bir chorakda bir marta yo‘nalishlarga aniqlik kiritilishi kerak. Nimaga? Talabdan kelib chiqib. Yagona maqsad — odamlarga sharoit yaratish. Yoz vaqti boshqa, qish vaqti boshqa, ta’til vaqti boshqacha talab. Hayot har kuni o‘zgarib boryapti.
Yangi qurilayotgan metro bilan mavjud metropolitenning hamkorligi, hamnafasligi, logistikasi qanchalik to‘g‘ri ekanligini birorta odam aniq aytib berolmaydi. Buni aytishning imkoni yo‘q. Hayot o‘zgaryapti. Talab o‘zgaryapti. Odamlarning ma’naviyati o‘zgaryapti. Metro bilan avtobus — bizning har kunlik kontingentimizdir.
Shavkat Mirziyoyev, O‘zbekiston Prezidenti
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Shavkat Mirziyoyev: Shahar jamoat transporti logistikasi shunday aqlli bo‘lsinki, buni odamlar sezsin (video) appeared first on Daryo .
Batafsil | Подробно | Read more... Daryo