Mudofaa vazirligida o‘quv-uslubiy yig‘in o‘tkazildi (foto)

Mudofaa vazirligida harbiy-vatanparvarlik, ma’naviy-axloqiy tarbiya va yoshlar bilan ishlash bo‘yicha organlari ofitserlari ishtirokida o‘quv-uslubiy yig‘in o‘tkazildi. Bu haqda “Daryo”ga vazirlik matbuot xizmati xabar berdi.

Foto: Mudofaa vazirligi axborot xizmati

“Yig‘inning asosiy maqsadi harbiy qism va muassasalarning joylardagi harbiy-ma’muriy sektorlar bilan hamkorlikni yo‘lga qo‘yish, qo‘shinlarda O‘zbekiston Yoshlar ittifoqi boshlang‘ich tashkilotlarini tuzish va ularning faoliyatini samarali shakllantirish, Mudofaa vazirligi qo‘shinlarida huquqbuzarlik profilaktikasi yuzasidan o‘tkaziladigan chora-tadbirlarning amaliyligini ta’minlashdan iborat bo‘ldi”, — deyiladi xabarda.
Yig‘in ishtirokchilari Qurolli Kuchlar akademiyasi faoliyati va o‘quv-tarbiyaviy jarayonlari bilan tanishdi. Islom Karimov nomidagi ilmiy-ma’rifiy memorial majmuasi va Alisher Navoiy nomidagi milliy kutubxonasiga sayohat uyushtirildi. Muqimiy nomidagi o‘zbek davlat musiqali teatrida bo‘lib, madaniy hordiq chiqardi. Harbiylar o‘rtasida sportning futbol, voleybol, gandbol, basketbol va boshqa turlari bo‘yicha musobaqalar o‘tkazildi.

Foto: Mudofaa vazirligi axborot xizmati

Shuningdek, Toshkent harbiy okrugi dala-o‘quv maydonlaridan birida ham mudofaa vazirligi umumqo‘shin bo‘linmalari vzvod komandirlari ishtirokidagi o‘quv-uslubiy yig‘in bo‘lib o‘tdi.
O‘quv joylarida taktik-saf mashg‘ulotlarini tashkillashtirish, shaxsiy tarkibning mashg‘ulotlarga tayyorgarligi ko‘rigini o‘tkazish tartibini, avtomobil, zirhli texnika, aloqa vositalari va texnikalarini, shaxsiy himoya vositalari va muhandislik anjomlarini hamda moddiy-texnik vositalarni tayyorlash kabi mavzular bo‘yicha ishtirokchilarning bilim va ko‘nikmalari oshirildi.
Yig‘in mobaynida vzvod komandirlari amaliy-ko‘rgazmali mashg‘ulotlarda ishtirok etishi bilan birga, mashqlar jarayoniga o‘zlari ham bevosita ishtirok etib, qo‘yilgan vazifalarni amalda bajardi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Mudofaa vazirligida o‘quv-uslubiy yig‘in o‘tkazildi (foto) appeared first on Daryo .
Batafsil | Подробно | Read more... Daryo