Financial Times: O‘zbekistonda sovuq davrlar tugab, yangilanish davri boshlanmoqda

Britaniyaning Financial Times gazetasi O‘zbekistonda olib borilayotgan islohotlarga bag‘ishlangan maxsus maqola e’lon qildi, deb yozadi “Jahon” axborot agentligi.

Foto: “Gazeta.uz”

Maqola muallifi Nayl Bakli O‘zbekiston Prezidenti Shavkat Mirziyoyev mamlakatni tashqi dunyo uchun ochishga qaratilgan bir qator dadil qadamlarni tashlaganini ta’kidladi. Ular orasida siyosiy mahbuslarning ozod etilishi, avvalroq safar qilish va ishga joylashishda to‘siqlarga uchragan minglab kishilarning “qora ro‘yxat”dan chiqarilishi tilga olinadi.
Davlat rahbarining vitual qabulxonasi, OAVlarning yanada erkinlashuvi alohida qayd etildi.
Iqtisodiy sohadagi o‘zgarishlarga to‘xtalar ekan, jurnalist O‘zbekiston Prezidentining biznesni rejadan tashqari tekshirishlar uchun ikki yillik moratoriy kiritish tashabbusini esga oldi. Strategik ahamiyatga ega muhim chora sifatida investorlar uchun soliq imtiyozlarini taqdim etuvchi maxsus iqtisodiy zonalarning yaratilishi bo‘lgani aytildi.
2017-yilning sentabrida O‘zbekistonda valyuta cheklovlari bekor qilindi, bu milliy so‘mning qadrsizlanishiga olib kelgan bo‘lsa-da, tashqi savdo va investitsiyalar uchun sezilarli to‘siqlarni bartaraf qildi. “Umuman olganda, O‘zbekistonda, chetl ellik mansabdorlardan biri taxmin etayotganidek, sovuq davrlar tugab, yangilanish davri boshlanmoqda”, — deyiladi maqolada.
Britaniyalik jurnalist fikricha, O‘zbekistondagi o‘zgarishlar katta ko‘lamli natijalarga olib kelishi mumkin. Ular O‘zbekiston tashqi siyosatiga xos bo‘lgan yakkalikni zaiflashtirib, uni Rossiya, Xitoy va AQSh tomonidan Yevrosiyo yuragiga ta’sir qilish uchun olib borilayotgan “Yangi katta o‘yin”ning muhim o‘yinchisiga aylantirishi mumkin.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Financial Times: O‘zbekistonda sovuq davrlar tugab, yangilanish davri boshlanmoqda appeared first on Daryo .
Batafsil | Подробно | Read more... Daryo