Termizda chaqalog‘ini 20 mln so‘mga sotishga uringan ayol qo‘lga olindi

Termiz shahar tibbiyot birlashmasi tug‘ruq majmuasida yuz bergan noxush holat Surxondaryo viloyatida shov-shuvlarga sabab bo‘ldi. Bu haqda O‘zA xabar berdi .

Foto: Fotolia

Viloyat IIB matbuot xizmatiga ko‘ra, Termiz tumanida yashovchi Sh.R. opasi va otasi bilan avvaldan til biriktirib, chaqalog‘ini 20 million so‘mga sotishga kelishadi. “Xamir uchidan patir”, deya ushbu mablag‘ning 150 ming so‘mini “xarajat” uchun oldindan olib qo‘yadi.
23 yashar ayol opasi va otasi bilan Termiz shahar tibbiyot birlashmasi tug‘ruq majmuasi hovlisida kelishilgan pulning 14 million 500 ming so‘mini olib, uch kunlik norasida chaqaloqni mijozga topshirmoqchi bo‘lganida huquq-tartibot idoralari xodimlari tomonidan ushlandi.
Tug‘ruq majmuasining ikki shifokori ham oq xalatiga dog‘ tushirdi. Ular suyunchisi va chaqaloqni olib chiqib ketish uchun deb, Sh.R.ning mijozidan 420 ming so‘mni olayotganida qo‘lga tushdi.
Ayni paytda o‘z farzandini pullashga uringan Sh.R.ga nisbatan Jinoyat kodeksining tegishli bandlari bilan jinoyat ishi qo‘zg‘atilib, tergov-surishtiruv ishlari olib borilmoqda.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Termizda chaqalog‘ini 20 mln so‘mga sotishga uringan ayol qo‘lga olindi appeared first on Daryo .
Batafsil | Подробно | Read more... Daryo