Fuqarolik ishlari bo‘yicha sudlarda ekspertiza tayinlashga oid qo‘llanma chop etildi

O‘zbekiston Respublikasi Oliy sudi, AQSh Xalqaro taraqqiyot agentligi (USAID) va BMT Taraqqiyot dasturining “O‘zbekistonda qonun ustuvorligi yo‘lida hamkorlik” qo‘shma loyihasi doirasida “Fuqarolik ishlari bo‘yicha sudlarda ekspertiza tayinlash xususiyatlari” amaliy qo‘llanmasi chop etildi. Bu haqda “Daryo”ga USAID’ning O‘zbekistondagi vakolatxonasi matbuot xizmati xabar berdi.

Foto: UzDaily

Qo‘llanma 4 bobdan iborat bo‘lib, dastlab sud eksperti va sud ekspertizasi tushunchalari, ularning nizoni adolatli hal etishdagi ahamiyati, sohaga oid qonunlar va qonun osti hujjatlarining mazmuni, sud-ekspertiza faoliyati bilan shug‘ullanadigan tashkilotlar, sud ekspertiga qo‘yiladigan malakaga oid talablar hamda ularning huquq va majburiyatlari yoritilgan.
Shuningdek, qo‘llanmada ishda ishtirok etuvchi shaxslar tomonidan ekspertiza tayinlash haqida qaysi hollarda va qanday tartibda iltimosnomalar kiritilishi, ashyoviy dalillarning taqdim etilishi, ekspertiza o‘tkazish uchun sarf qilinadigan xarajatlarning qay tarzda va kimlar tomonidan qoplanishi masalalari ham yoritilishi bilan birga amaliyotda foydalanish uchun qulaylik yaratish maqsadida bunday iltimosnomalarning, har bir ekspertizaning turlari bo‘yicha sud hujjatlarining namunaviy nusxalari ilova sifatida berilgan.
Kitobda sud ekspertizasining turlari hamda ularning o‘ziga xos xususiyatlari, ekspertiza o‘tkazish asoslari va muddatlari, uni o‘tkazishda sud protsessi ishtirokchilarining hozir bo‘lish tartibi, ular qanday huquq va burchlarga ega ekanliklari to‘g‘risida atroflicha ma’lumotlar berilgan.
Bundan tashqari, qaysi hollarda qanday ekspertiza tayinlanishi mumkinligi, bu turdagi ekspertizalarni o‘tkazish qaysi normativ-huquqiy hujjatlar bilan tartibga solinishi, ekspertlar oldiga savollarni qay tarzda qo‘yish kerakligi tushuntirilgan.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Fuqarolik ishlari bo‘yicha sudlarda ekspertiza tayinlashga oid qo‘llanma chop etildi appeared first on Daryo .
Batafsil | Подробно | Read more... Daryo