Bloger Telegram messenjerining O‘zbekiston ijtimoiy va siyosiy hayotidagi o‘rnini yuqori baholadi

Rossiyaning ommabop “VC.ru” nashrida o‘zbekistonlik bloger Ruslan Bayganurov Telegram messenjerining O‘zbekiston ijtimoiy va siyosiy hayotidagi alohida o‘rni haqida maqola e’lon qildi .

Foto: “VC.ru”

Unda aytilishicha, 2017-yil yanvar holatiga ko‘ra, O‘zbekiston Telegram foydalanuvchilari soni bo‘yicha yuqori uchlikka kirgan , birinchi va ikkinchi o‘rinlarda Eron va Malayziya joylashgan.
Bu yerda hattoki qator davlat tuzilmalari ham o‘z xizmatlarini taqdim etadi, deyiladi maqolada. Mehnat va ijtimoiy himoya vazirligining @mehnatbot, Ichki ishlar vazirligi va Toshkent Ichki ishlar bosh boshqarmasining migratsiya va fuqarolikni rasmiylashtirish bo‘linmalarida foydalaniladigan blanklarni olish imkonini beruvchi @PassportInfoUz_Bot botlari tilga olindi. Shuningdek, mamlakat prezidentining siyosiy hayoti haqidagi yangiliklarni tezkorlik bilan taqdim etuvchi respublika rahbarining rasmiy kanali ham alohida qayd etildi.
Bloger xususiy sektorga aloqador ommabop bot va kanallarni ham sanab o‘tgan.
“O‘zbekistonning biznes-amaliyotida hujjatlar — shartnomalar, prayslar, tijoriy takliflar, anketalarni Telegram orqali yuborish allaqachon normaga aylangan”, — deb yozadi bloger.
“Foydalanuvchilar messenjerlarning shunchaki muloqotdan ko‘ra kattaroq narsaga aylanishiga tayyor. Telegram runetda ana shunday maydonga aylana oladi, biz O‘zbekistonda allaqachon o‘zgarishlarga tayyormiz, bunday imkoniyatlarning kengayishini kutyapmiz, xolos”, — deya xulosa qildi u.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Bloger Telegram messenjerining O‘zbekiston ijtimoiy va siyosiy hayotidagi o‘rnini yuqori baholadi appeared first on Daryo .
Batafsil | Подробно | Read more... Daryo