“Bunyodkor” o‘zining sobiq futbolchisi Otabek Shukurov to‘p surayotgan klub darvozasiga 3 ta gol urdi

Amirlik yig‘inida ishtirok etayotgan Toshkentning “Bunyodkor” futbol klubi “Sharja”ga qarshi o‘rtoqlik o‘yinida maydonga tushdi va 3:1 hisobida zafar quchdi.

Foto: “Sharja”

“Sharja” klubi Amirlik chempionatida 7-o‘rinni egallab turibdi. U 2017-yilning so‘ngida “Bunyodkor” vakili Otabek Shukurovni o‘z safiga qo‘shib olgandi. Garchi mazkur klubda o‘yin amaliyoti yetarli bo‘lsa-da, bellashuv Mirjalol Qosimov boshqaruvidagi “Bunyodkor”ning ishonchli g‘alabasi bilan yakuniga yetdi.

Foto: “Sharja”

Hisob yirik ko‘rinish olishi ham mumkin edi. Arab jamoasi 84-daqiqadagi penalti sabab bundan qutilib qoldi. “Bunyodkor” safidan esa gollarga Doston Hamdamov, Murod Toshmatov hamda Shohrux Gadoyev mualliflik qildi. Klub saytining yozishicha, Gadoyev 24 metrlar chamasi uzoqlikdan gol urishga muvaffaq bo‘lgan. Otabek Shukurov esa sharjaliklar safida to‘liq o‘ynagan.

Foto: “Sharja”

O‘rtoqlik o‘yini
Sharja, BAA
16-fevral, juma
“Sharja” — “Bunyodkor” 1:3
Gollar: Doston Xamdamov, 6-pen (0:1). Murod Toshmatov, 29 (0:2). Shohrux Gadoyev, 76 (0:3). Yusuf Said, 84-pen (1:3).

Foto: “Sharja”


“Bunyodkor” bunga qadar Xitoyning 2 ta klubiga qarshi o‘ynab ulgurgandi. “Chunchin Lifan” bilan o‘yin 0:0 hisobida yakuniga yetgan bo‘lsa, “Shandun Lunen” postiga javobsiz 4 ta gol urilgandi.

“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post “Bunyodkor” o‘zining sobiq futbolchisi Otabek Shukurov to‘p surayotgan klub darvozasiga 3 ta gol urdi appeared first on Daryo .
Batafsil | Подробно | Read more... Daryo