OAV: O‘zbekiston bosh vazirining sobiq o‘rinbosari Tojikistondagi elchi lavozimini egallaydi

O‘zbekiston bosh vazirining sobiq o‘rinbosari Ergash Shoismatov mamlakatning Tojikistondagi yangi Favqulodda va muxtor elchisi bo‘ladi. Bu haqda diplomatik doiralardagi manbasiga tayanib, Asia-Plus  xabar berdi .

Foto: Asia-Plus

Ergash Shoismatov Prezident Shavkat Mirziyoyevning mart oyida Tojikistonga amalga oshiriladigan davlat tashrifidan oldin faoliyatini boshlaydi.
U 14 yil davomida elchi vazifasida ishlab kelgan Shoqosim Shoislomovning o‘rnini egallaydi. Shoislomov O‘zbekiston Prezidenti devonida tashqi siyosat sohasida yangi lavozimga tayinlangani bildirilmoqda.
Ma’lumot uchun, Ergash Shoismatov 1951-yilda tug‘ilgan. Toshkent politexnika institutini tamomlagan. 1996-yildan 2001-yilgacha O‘zbekiston energetika va elektrlashtirish vaziri lavozimida ishlagan. 2001—2006-yillarda “O‘zbekenergo” kompaniyasini boshqargan.
2006-yil aprelidan 2010-yil 13-iyuliga qadar Bosh vazirning mashinasozlik, metallurgiya, neft-gaz, geologiya, elektr energetikasi va kimyo yo‘nalishlariga mas’ul o‘rinbosari lavozimida faoliyat yuritgan. 2014-yilda energetika ishchilari kasaba uyushmasi respublika kengashi raisi bo‘lgan.
Ergash Shoismatov 2016—2017-yillarda “O‘ztransgaz” AK boshqaruvi raisi sifatida faoliyat olib borgandi .
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post OAV: O‘zbekiston bosh vazirining sobiq o‘rinbosari Tojikistondagi elchi lavozimini egallaydi appeared first on Daryo .
Batafsil | Подробно | Read more... Daryo