Iroqda IShIDga a’zo bo‘lgan 17 yoshli germaniyalik qiz sudlandi

Bag‘dodda sud 17 yoshli germaniyalik Linda ismli qizni olti yillik qamoqqa mahkum etdi, deb yozadi “Korrespondent.net”. Shuning besh yili IShID terrorchilik tashkilotiga a’zolik uchun, yana bir yili — Iroqqa noqonuniy ravishda kelgani uchun berildi.

Foto: EPA

Germaniyaning Saksoniya o‘lkasidagi Pulsnits shahrida yashagan Linda 2016-yil yozida islom dinini qabul qilgach, tez orada uyidan qochib ketgan. 2017-yil yozida esa boshqa bir nechta germaniyalik ayollar bilan birga Iroq qo‘shinlari Mosulni IShID qo‘lidan ozod qilgan vaqtda asir tushgan.
Ayni paytda Germaniya federal prokuraturasi Linda va boshqa germaniyalik ayollarga nisbatan terrorchilik tashkiloti faoliyatida qatnashganlik gumoni bo‘yicha tergov olib bormoqda. Ammo Germaniyada ular sudlanmasligi taxmin etilmoqda. Germaniya adliyasi ayollar erkaklardan farqli ravishda IShIDga sodiqlikka ont ichmagani va jangovar harakatlarda ishtirok etmagani sababli sudlana olmaydi, degan fikrda.
Iroq huquq-tartibot organlari ma’lumotlariga ko‘ra, mamlakatda 509 nafar chet ellik ayol 813 farzandi bilan qo‘lga olingan, ularning 300 nafari turkiyalikdir.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Iroqda IShIDga a’zo bo‘lgan 17 yoshli germaniyalik qiz sudlandi appeared first on Daryo .
Batafsil | Подробно | Read more... Daryo