Azim Ahmadxo‘jayev Axborot texnologiyalari va kommunikatsiyalarini rivojlantirish vaziri etib tayinlandi

2017-yilning martidan buyon Investitsiyalar bo‘yicha davlat qo‘mitasiga raislik qilib kelayotgan Azim Ahmadxo‘jayev Axborot texnologiyalari va kommunikatsiyalarini rivojlantirish vaziri etib tayinlandi. Bu haqda “Gazeta.uz” hukumatdagi manbasiga tayanib, ma’lum qildi .

Foto: “Gazeta.uz” Azim Ahmadxo‘jayev

Axborot texnologiyalari va kommunikatsiyalarini rivojlantirish vazirligiga bunga qadar rahbarlik qilib kelgan Sherzod Shermatov innovatsion rivojlanish vazirining o‘rinbosari etib tayinlandi. Yangi vazirlikka o‘tgan yilning 29-noyabrida asos solingandi .
Investitsiyalar bo‘yicha davlat qo‘mitasiga bosh vazir o‘rinbosari, Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish, turizm masalalari kompleksi rahbari Suhrob Xolmurodov rahbar etib tayinlandi. U o‘zining bosh vazir o‘rinbosari lavozimi saqlab qoldi.

Foto: “Gazeta.uz” Suhrob Xolmurodov

Azim Ahmadxo‘jayev 1979-yilda tug‘ilgan. 2002-yilda Toshkent davlat iqtisodiyot universitetini tamomlagan. 2016-yilning may oyidan 2017-yilning martiga qadar “Asaka” bankini boshqargan. Bunga qadar O‘zbekiston Tashqi iqtisodiy faoliyat milliy banki boshqaruvi raisi o‘rinbosari, so‘ng raisning birinchi o‘rinbosari lavozimlarida ishlab kelgan.

Foto: “Gazeta.uz” Sherzod Shermatov

Sherzod Shermatov 1977-yilda tug‘ilgan. Toshkent davlat texnika universiteti (1998) va AQShning Yel universitetini tamomlangan (2000). 2016-yilning noyabridan 2017-yilning fevraliga qadar Axborot texnologiyalari va kommunikatsiyalarni rivojlantirish vazirining birinchi o‘rinbosari lavozimlarida ishlagan. Unga qadar 2014-yildan Toshkentdagi Inha univeritetiga rektorlik qilgan.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Azim Ahmadxo‘jayev Axborot texnologiyalari va kommunikatsiyalarini rivojlantirish vaziri etib tayinlandi appeared first on Daryo .
Batafsil | Подробно | Read more... Daryo