Toshkentda haftaning qaysi kunida o‘g‘riliklar ko‘proq sodir bo‘ladi?

19-fevral kuni “O‘zbekiston” telekanalida efirga uzatilgan “Munosabat” ko‘rsatuvining navbatdagi soni o‘g‘rilikning oldini olish va unga qarshi kurashishga bag‘ishlandi. Unda IIV akademiyasida tashkil etilgan ilmiy-amaliy tadqiqotlar markazining Toshkent shahrida sodir bo‘lgan 559 ta o‘g‘rilik bo‘yicha tahlillari e’lon qilindi.

Kadr: “Munosabat” ko‘rsatuvi

Tahlillarga ko‘ra, seshanba kuni haftaning boshqa kunlariga nisbatan ko‘proq o‘g‘rilik sodir etiladi. Jami o‘g‘riliklarning 18 foizdan ortig‘i haftaning 2-kunida amalga oshirilgan. Eng ko‘p o‘g‘riliklar sodir etilgan kunlar uchligiga shuningdek, shanba (16,6%) va yakshanba (15,9%) ham kirdi. Eng kam o‘g‘rilik esa chorshanba kuni (10,7%) amalga oshirilgan.
Jinoyatchilar ko‘pincha o‘g‘rilikni tungi soat 01:00 dan 02:00 gacha (7,9%), 02:00 dan 03:00 gacha (7%) va 15:00 dan 16:00 gacha (7%) bo‘lgan vaqtda sodir etmoqda. Soat 06:00 dan 07:00 gacha (1,6%) va 08:00 dan 09:00 gacha (1,8%) bo‘lgan oraliqda o‘g‘rilik nisbatan kam sodir bo‘lgan.
Oylar bo‘yicha taqqoslaganda, yanvar va aprel eng ko‘p jinoyatlar sodir etilgan oylar bo‘ldi. O‘g‘rilik ko‘rsatkichlari eng past bo‘lgan oylar may va dekabrdir.

Mavzuga doir: Toshkentda o‘g‘riliklarning 0,5 foizi tungi klublarda, 1 foizi masjidlarda sodir etilgan

“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Toshkentda haftaning qaysi kunida o‘g‘riliklar ko‘proq sodir bo‘ladi? appeared first on Daryo .
Batafsil | Подробно | Read more... Daryo