Volgogradda sud ijrochilari yetti yildan buyon o‘lgan deb hisoblab kelingan bolakayni o‘z oilasiga qaytardi

Volgogradda sud ijrochilari yetti yildan buyon o‘lgan deya hisoblab kelingan bolakayni o‘z oilasiga topshirdi. Bu haqda viloyat sud ijrochi xizmatining saytiga tayanib, TJournal xabar berdi .

Foto: “Vedomosti”

2011-yilda bolakay tug‘ilganida shifokorlar uning onasiga farzandi bir haftadan ortiq yashamasligini ma’lum qilgan. Shunda ayol o‘zining turmush o‘rtog‘i bilan maslahatlashib, undan voz kechish haqida ariza yozgan. Besh kundan so‘ng ota-ona farzandini qidirib yana shifoxonaga kelgan, biroq ularga bolakay o‘lganini aytishgan.
2017-yilda sud ijrochilariga voyaga yetmagan bolani internat uyda ushlab turilgani uchun uning ota-onasidan 230 ming rubl miqdoridagi aliment pulini undirish borasida hujjat kelib tushgan.
Ijrochilar qarzdorlarni qidirish vaqtida aliment to‘lovchilarni topa olmagan: ular ko‘rsatilgan manzilda istiqomat qilmagan, shuningdek, ularning musodara qilinishi kerak bo‘lgan mol-mulkini ham topishning iloji bo‘lmagan. Ijrochilar bolakayning onasiga qarashli bank hisobini topib, uni bloklab qo‘ygan.
Nima sababdan hisobi bloklanganini aniqlashtirish uchun kelgan ayolga aliment borasida tushuntirish berilgan. Hujjatlarni ko‘zdan kechirgan ayol “xushidan ketgan”. Aniqlanishicha, er-xotin shu vaqtgacha o‘z farzandlarini o‘lgan deya hisoblab kelgan.
Er-xotin bolaga nisbatan ota-onalik huquqini qayta tiklash maqsadida sudga murojaat qilgan. 2017-yilning oxiriga bolakay o‘zining qonuniy ota-onasiga topshirilgan.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Volgogradda sud ijrochilari yetti yildan buyon o‘lgan deb hisoblab kelingan bolakayni o‘z oilasiga qaytardi appeared first on Daryo .
Batafsil | Подробно | Read more... Daryo