O‘zbekistonda 50 ta yangi kon o‘zlashtirishga tayyorlanmoqda

O‘zbekiston oltin, uran, mis kabi bir qator foydali qazilmalar zaxiralari bo‘yicha dunyoning yetakchi o‘n davlati qatoriga kiradi. Bu haqda Davlat geologiya va mineral resurslar qo‘mitasi tomonidan o‘tkazilgan matbuot anjumanida ma’lum qilindi, deya xabar beradi O‘zA.

Foto: Sputnik

Anjumanda sohada amalga oshirilayotgan istiqbolli loyihalar haqida ma’lumot berildi. Qo‘mita vakillariga ko‘ra, geologiya-qidiruv ishlarini jadallashtirish hisobiga mo‘ljallangan 7 yangi kon o‘rniga jami 26 ta kon: 14 ta yerosti suvi, 5 ta oltin, 3 ta kvars, 1 tadan temir rudasi, volfram, slanes, glaukonit konlari sanoatda o‘zlashtirishga tayyorlangan.
2018—2019-yillarda 25 turdagi foydali qazilmalar zaxiralarini ko‘paytirish va geologiya-qidiruv ishlarini jadallashtirish hisobiga 50 ta yangi kon sanoatda o‘zlashtirishga tayyorlanadi. Ularning 22 tasi oltin, 3 tasi uran, 2 tasi rangli metall va har xil noruda foydali qazilmalardir.
Qo‘mita raisi o‘rinbosari A.Mavlonovning ta’kidlashicha, tizimda yer qa’rini geologik o‘rganish, undan foydalanish va muhofaza qilish sohasida yagona markazlashgan nazorat tizimini amalga oshiruvchi yangi inspeksiya tashkil etish rejalashtirilmoqda.
Joriy etiladigan yangi tartibga ko‘ra, litsenziya olishda tadbirkorlarga qulay bo‘lishi uchun talab etiladigan hujjatlar hududlarning o‘zida qabul qilinadi. Ilgarigidek, yil boshidagi ochiq savdolar kutilmaydi, 20 kun ichida litsenziya olish imkoni yaratiladi.
Bundan tashqari, joriy yil 1-aprelidan Ekologiya va atrof-muhitni muhofaza qilish davlat qo‘mitasining yer osti suvlaridan foydalanish uchun ruxsatnomalar berish vazifasi ham Davlat geologiya va mineral resurslar qo‘mitasiga o‘tkazilishi ko‘zda tutilmoqda. Natijada tadbirkorlar ikki idoraga emas, to‘g‘ridan-to‘g‘ri Qo‘mitaning hududiy gidrogeologiya stansiyalariga murojaat qilib, 10 kun ichida ruxsatnomaga ega bo‘ladi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekistonda 50 ta yangi kon o‘zlashtirishga tayyorlanmoqda appeared first on Daryo .
Batafsil | Подробно | Read more... Daryo