To‘xtash nima ekanini bilmayotgan Messi va Ronaldu tarix yozishda davom etadi. Kecha ular statistikani yana bezovta qildi

Ispaniya La Ligasining kecha — 24-fevral kuni o‘tgan o‘yinlarida “Real” 4 ta, “Barselona” 5 ta gol farqi bilan zafar quchdi. Har ikki klubning yetakchi futbolchilari — Messi va Ronaldu dublga erishdi.

Foto: Google Images

“Barselona” va “Real” uchun atalgan kun. Har ikki klubning eng mashhur triosidan gollar shousi
Krishtianu Ronaldu
Krishtianu Ronaldu kecha “Alaves” darvozasiga belgilangan penaltini do‘sti Karim Benzemaga berib, ko‘pchilikning olqishini oldi. Bu bilan Ronaldu mashhur BBC (Bale, Benzema, Cristiano) a’zolarining 2 yil kutilgan missiyasi bajaralishiga erishdi. Ya’ni, trioning har bir a’zosi o‘z nomini tabloga yozib qo‘ydi.
O‘z navbatida portugaliyalik futbolchining o‘zi ham siylandi. U kecha Ispaniya La Ligasidagi 300-golini urishga erishdi. Buning uchun Krishtiga 285 ta o‘yin kerak bo‘ldi. Ya’ni, futbolchi har o‘yinda o‘rtacha 1,05 tadan gol urib kelmoqda.

Foto: Google Images

Ispan nashrlarining qayd etishicha, Ronaldu 300 ta golini urish uchun Messidan 41 ta o‘yin kamroq sarf etgan. Leo La Ligadagi 300-golini urganida, 326-o‘yinda maydonga chiqib kelgandi.
Hozircha Krishtianu Ronaldu faoliyati davomida 49 marta xet-trik qayd etgan. Kecha u yana bir yubileyni nishonlashdan ko‘ra, Benzemaning gol urishini afzalroq bildi.
Lionel Messi
Messi ham bir chetda qarab turmadi. U Ispaniyaning turli — 36 klubi darvozasiga gol urib, rekord o‘rnatdi. Bungacha “Real” afsonalaridan biri Raul Gonsales hamda “Atletik” yulduzi Arits Aduris 35 ta ispan klubi darvozasiga gol urgani bilan yodda qolgandi. “Jirona” esa Messining “36-qurboni” bo‘ldi.

Foto: Google Images

Argentinalik hujumchi, shunindek, Ispaniya chempionatida eng ko‘p golli pas bergan futbolchiga aylandi. Bungacha “Real” afsonalaridan biri Michel 147 ta golli uzatma bilan peshqadam edi. Messida esa golli paslar soni endi 148 tani tashkil qilmoqda. Va bu hali hammasi emasdek.
Messi La Ligada eng ko‘p gol urgan futbolchi hamdir. “Jirona”ga qarshi o‘yindagi dublni ham qo‘shib hisoblasa, uning aniq zarbalari soni 371 taga yetib ulgurdi.
“Barselona”
Kataloniya klubi o‘zining mag‘lubiyatsiz yurishini davom ettirdi. Xosep Gvardiola jamoani boshqarganida “Barselona” La Liganing ketma-ket 31 ta o‘yinida mag‘lub bo‘lmay, o‘z rekordini qayd etgandi. Ernesto Valverde esa bu ko‘rsatkichni 32 taga oshirib qo‘ydi. Bu borada mutloq rekord “Real Sosyedad”ga tegishli. Jamoa 1979/80-yilgi mavsum davomida 38 ta mag‘lubiyatsiz o‘yin o‘tkazgan.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post To‘xtash nima ekanini bilmayotgan Messi va Ronaldu tarix yozishda davom etadi. Kecha ular statistikani yana bezovta qildi appeared first on Daryo .
Batafsil | Подробно | Read more... Daryo