Tramp: Obamani saylovlarga ehtimoliy aralashuv haqida ogohlantirishgan, ammo u chora ko‘rmagan

AQShda 2016-yilda bo‘lib o‘tgan saylovlarga nafaqat rossiyaliklar, balki boshqa tomonlar ham aralashgan bo‘lishi mumkin. Bunday taxmin bilan AQSh prezidenti Donald Tramp chiqish qildi, deb yozadi “TASS”. U o‘zidan oldingi prezident Barak Obamani saylov kompaniyasiga tashqi aralashuv ehtimoli haqida ogohlantirilganiga qaramay, hech qanday chora ko‘rmaganlikda aybladi.

Foto: “TASS”

“Bir narsani aytishim kerak: Obama aralashuv bilan bog‘liq voqealar davomida prezident bo‘lgan, bu rossiyaliklar, ehtimol boshqalar ishtirokida ham bo‘lgan, — dedi Tramp. — U bu haqda qayg‘urishi kerak edi, ammo u bunday qilmadi”. “U ogohlantirilgan edi, biroq hech narsa qilmadi. Bu undan ham yomon”, — deb qo‘shib qo‘ydi u.
Shu bilan birga, Tramp o‘z shtabining Rossiya hukumati bilan qandaydir maxfiy kelishuvi borligi haqidagi gaplarni yana bir bora rad etdi. “Men hech kimga qo‘ng‘iroq qilmaganman, hech qanaqa uchrashuvlar uyushtirmaganman. Hech qanaqa til biriktirish yo‘q, men buni so‘ragan har qanday odamga aytaman”, — deya ta’kidladi prezident.
Nashr eslatishicha, Moskva AQShdagi saylov jarayonlariga aralashishga urinishlari haqidagi barcha da’volarni ko‘p bora rad etgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Tramp: Obamani saylovlarga ehtimoliy aralashuv haqida ogohlantirishgan, ammo u chora ko‘rmagan appeared first on Daryo .
Batafsil | Подробно | Read more... Daryo