Samarqand shahridagi istirohat bog‘ida Navoiy va Jomiy haykali o‘rnatiladi

Samarqand shahridagi Alisher Navoiy nomidagi istirohat bog‘i kirish qismida temir panjaralar olinib, ayrim attraksionlar bog‘ning boshqa hududiga ko‘chirilmoqda. Bu haqda “Zarafshon” nashri  xabar berdi .

Foto: “Zarafshon”

Bu qanday taraddud ekanligiga Samarqand shahar hokimi o‘rinbosari B. Elmurodov quyidagicha izoh berdi:
— Bu yerda o‘zbek va tojik adabiyotining buyuk namoyondalari — Alisher Navoiy va Abdurahmon Jomiyning haykali o‘rnatilib, atrofi obod etiladi. Ushbu ikki ulug‘ mutafakkir haykali ilgari Samarqand shahridagi “Afrosiyob” mehmonxonasi yonida, ko‘rimsiz joyda edi. Keyinchalik haykal u yerdan ko‘chirildi. Shahar jamoatchiligi, ziyolilar va ijodkorlarning taklifi bilan haykal uchun mana shu joy tanlandi. Bu maskan tanlanishi bejiz emas: haykal o‘rnatiladigan maskan Abdurahmon Jomiy ko‘chasi yonida ekani, Alisher Navoiy nomi bilan ataladigan istirohat bog‘i hududida joylashishi bilan alohida ahamiyat kasb etadi. Qolaversa, fors-tojik adabiyotining yana bir yirik vakili Abu Abdullo Rudakiy haykali o‘rnatilgan maydon ham ushbu istirohat bog‘iga tutashib ketgan.

Foto: “Zarafshon”

Qisqa fursatda amalga oshirilishi belgilangan qurilish loyihasiga ko‘ra, haykal o‘rnatiladigan maydon bog‘ning 30-35 sotix yerini egallaydi. Haykal atrofida favvoralar, orqa tomonida bir necha ustunli arka bunyod etiladi. Maydon chetida gulxona va maysazorlar tashkil qilinadi, noyob manzarali daraxt ko‘chatlari o‘tqaziladi.

Foto: “Zarafshon”

“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Samarqand shahridagi istirohat bog‘ida Navoiy va Jomiy haykali o‘rnatiladi appeared first on Daryo .
Batafsil | Подробно | Read more... Daryo