OAV: IShID Turkiyada G20 sammiti chog‘ida teraktlar uyushtirishni rejalashtirgan

IShID jangarilari 15—16-noyabr kunlari Turkiyaning Antaliya viloyatida bo‘lib o‘tgan G20 sammiti chog‘ida teraktlar sodir etish rejasini ishlab chiqqan. Bu haqda Anqara bosh prokuraturasi ma’lum qildi, deya xabar beradi “TASS”.

Foto: EPA

Bosh prokuratura mazkur ma’lumotlarni Turkiya poytaxtida 10-oktyabrda ro‘y bergan va 100 dan ziyod kishining nobud bo‘lishiga olib kelgan teraktga oid hujjatlarni o‘rganish jarayonida aniqladi.
Terrorchilar mamlakatdagi 18 ta viloyat, jumladan, Antaliyada xurujlar uyushtirishni rejalashtirgan. Mehmonxonalar, sayyohlar to‘planadigan hududlar va tungi klublarda sammit kunlari teraktlar uyushtirish uchun xudkushlar tayyorlangan.
Rasmiylar ma’lumotiga ko‘ra, IShID mahalliy aholi orasidan teraktlar sodir etilishi lozim bo‘lgan shaharlardagi vaziyatni yaxshi biladigan kishilarni qidirgan.
Batafsil | Подробно | Read more... Daryo