Coca-Cola o‘zi ishlab chiqarayotgan ichimlik iste’moli kamayganidan ham daromad olishni ko‘zlamoqda

Alkogolsiz ichimliklar ishlab chiqarish bo‘yicha dunyodagi eng yirik kompaniyalardan bo‘lgan Coca-Cola Shimoliy Amerikadagi tushumni ko‘paytirish uchun kichik hajmdagi mahsulotlar ishlab chiqarishga o‘tmoqda. Bu haqda “Vedomosti” xabar berdi .

Foto: “Mail.ru”

“Amerikaliklar kola ichishni kamaytirmoqda, ammo buni kompaniya uchun ziyoni yo‘q. Gazlangan ichimliklar sotuvi pasaygani to‘g‘risida gap ketganda litrlardagi sotuv ko‘zda tutiladi, upakovkalardagi emas. Kola iste’mol qilish litrlarda kamaymoqda, biroq kichik butilkalar va bankalardagi ichimliklar sotuvi ko‘paygan”, — deya ta’kidlagan kompaniyaning Shimoliy Amerika bo‘yicha prezidenti Sendi Duglas Morgan Stanley anjumanidagi chiqishi chog‘ida.
Kompaniyaning AQShdagi asosiy mahsulotlari — 1 gallonli butilka (salkam 4 litr) va 12 unsiyli bankadagi ichimliklar sotuvi joriy yil to‘qqiz oyi yakunlari bo‘yicha 2 foizga pasaygan. Kichik hajmdagi banka va butilkalardagi ichimliklar sotuvi esa taxminan 15 foizga oshgan. 8,5 unsiyali bankadagi ichimlik 1,6 dollar, ikki litrli butilka esa atigi 0,18 dollar daromad keltiradi. Shu tariqa Coca-Sola iste’molchi kichik hajmdagi mahsulotlarni tanlayotganidan yaxshigina ishlab olishi mumkin.
Batafsil | Подробно | Read more... Daryo