Londonning “Tottenhem” klubi 6 ta gol urib, Angliya Kubogining chorak finaliga yo‘l oldi. 1/4 final juftliklari ma’lum

Maurisio Pochettino boshchilik qilayotgan Londonning “Tottenhem” klubi Angliya Kubogining chorak finalida to‘p suradi.

Foto: FotMob

Avvalgi bosqichning ilk o‘yinida “shporlar” quyi liga vakili hisoblangan “Rochdeyl” bilan 2:2 hisobida durang o‘ynab qo‘ygandi. Mazkur bellashuv Chempionlar Ligasining “Yuventus”ga qarshi o‘tkazilgan va 2:2 hisobida yakuniga yetgan o‘yinidan keyin bo‘lib o‘tgandi.
Javob o‘yinida “Tottenhem” raqibiga imkoniyat qoldirmadi. Shu kuni Ugo Lyoris, Kristian Eriksen, Harri Keyn kabi yetakchilar maydonga tushmadi. Fernando Lyorente xet-trik qayd etdi. Son Xyon Min esa 2 ta gol urib, 1 ta golli uzatma berdi. Jamoaning yangi xaridi Lukas Mouro hamda Erik Lamela ham 2 tadan golli uzatmani amalga oshirdi.
Shuningdek, Uelsning “Suonsi” klubi ham takroriy o‘yinda ishonchli g‘alabaga erishib, navbatdagi bosqich yo‘llanmasini qo‘lga kiritdi. Chorak finalda “Tottenhem” va “Suonsi” o‘zaro to‘qnash keladi. “Manchester Yunayted” yarim final yo‘lida “Brayton”ni sinovdan o‘tkazsa, “Chelsi” Lesterda mehmon bo‘ladi. Shuningdek, “Manchester Siti”ni turnirdan chiqarib yuborgan “Uigan” klubi “Sautgempton”ga qarshi kurash olib boradi.
Angliya Kubogi
Nimchorak final
28-fevral, chorshanba
“Suonsi” — “Sheffild Uensdey” 2:0
Gollar: Jordan Ayyu, 55 (1:0). Natan Dayer, 80 (2:0).
“Tottenhem” — “Rochdeyl” 6:1
Gollar: Son Xyon Min, 23 (1:0). Stefan Hamri, 31 (1:1). Fernando Lyorente, 47 (2:1). Fernando Lyorente, 53 (3:1). Fernando Lyorente, 59 (4:1). Son Xyon Min, 65 (5:1). Kayl Uolker-Piters, 93+ (6:1).
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Londonning “Tottenhem” klubi 6 ta gol urib, Angliya Kubogining chorak finaliga yo‘l oldi. 1/4 final juftliklari ma’lum appeared first on Daryo .
Batafsil | Подробно | Read more... Daryo