Janubiy Koreyada 52 soatlik ish haftasi o‘rnatiladi

Koreya Respublikasi Milliy majlisi ish haftasini 68 soatdan 52 soatgacha qisqartirish haqidagi qonunni qabul qildi, deb yozadi “Interfaks”.

Foto: Reuters

Qonun iyul oyida kuchga kiradi, bunda yirik kompaniyalar ish soatlarini kichiklaridan ertaroq qisqartirishi kerak. Bo‘sh vaqtning ko‘payishi Koreya fuqarolarining hayot sifatini yaxshilashi hamda mamlakatda mehnat unumdorligi va bandlikni oshirishi taxmin qilinmoqda. Bundan tashqari, qonun tarafdorlari tug‘ilish darajasi oshishini kutmoqda, ushbu ko‘rsatkich o‘tgan yili aksilrekord o‘rnatgan edi.
Tashabbusni yangi prezident Mun Chje In taklif qilgandi. Yil boshida u eng kam ish haqining 16 foizga oshirilishini qo‘llab-quvvatlagan edi.
Yangi qoidalarga ko‘ra, Janubiy Koreyada ish haftasi 40 soatlik asosiy vaqt va 12 soatlik xizmat vaqtidan tashqari vaqtdan iborat bo‘ladi. Koreya iqtisodiy tadqiqot instituti hisob-kitoblariga ko‘ra, islohot ishlab chiqarish hajmlari saqlanib qolgan taqdirda, ish beruvchilarga yiliga taxminan 11 milliard dollarga tushadi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Janubiy Koreyada 52 soatlik ish haftasi o‘rnatiladi appeared first on Daryo .
Batafsil | Подробно | Read more... Daryo