Pepsi kompaniyasi o‘z smartfonini taqdim etdi

Pepsi kompaniyasi o‘z logotipi bilan ishlab chiqarilgan gadjetini taqdim etdi, deb xabar beradi “Hi-tech.mail.ru”.

Foto: “Hi-tech.mail.ru”

Pepsi Phone 5,5 dyuymli, 1920 x 1080 pikselli 2,5D displeyga ega bo‘ldi. Shuningdek, unda 64 bit, 1,7 GGs chastotali sakkiz yadroli MediaTek MT6792 protsessori, 2 GB tezkor va 16 GB doimiy xotira, 13 megapikselli asosiy va 5 megapikselli old kamera hamda 3000 mAs sig‘imga ega akkumulyator mavjud.

Foto: “Hi-tech.mail.ru”

Slot ikkita SIM-kartadan foydalanishga mo‘ljallangan. Smartfon to‘rtinchi avlod LTE mobil tarmog‘ini “ko‘tara oladi”. Pepsi Phone’ning o‘lchamlari 152,2×76,2×7,7 mm, og‘irligi 158 grammga teng. Gadjet korpusi moviy, oltin va kumush ranglarda chiqariladi.
Smartfon, shuningdek, tobora mashhur bo‘lib borayotgan barmoq izlari skaneriga ham ega.
Batafsil | Подробно | Read more... Daryo