Namanganda ichki ishlar ko‘ngilli guruhlari obodonlashtirish va ta’mirlash ishlarida ko‘maklashmoqda

Namangan viloyat IIB tomonidan Navro‘z bayramini ko‘tarinki ruhda nishonlash va obodonlashtirish ishlarini jadallashtirish maqsadida ko‘ngilli guruhlar tashkil etildi. Bu haqda “Daryo”ga viloyat IIB matbuot xizmati ma’lum qildi.

Foto: Namangan viloyat IIB matbuot xizmati

Mazkur guruhlar joylarda kam ta’minlangan, boquvchisini yo‘qotgan va imkoniyati cheklangan fuqarolarning xonadonlarida obodonlashtirish va ta’mirlash ishlarida ko‘maklashmoqda. Ehtiyojmand oilalarga oziq-ovqat mahsulotlari, uy-ro‘zg‘or jihozlari va bolalar uchun o‘quv qurollari taqdim etilmoqda.

Foto: Namangan viloyat IIB matbuot xizmati

Mahalla ko‘chalarining ta’mirtalab bo‘lgan qismlari shag‘al bilan to‘ldirilib, tomorqalarda dehqonchilik va parrandachilik bilan shug‘ullanish uchun sharoit yaratib berilmoqda. Bu tashabbusni ko‘rgan mahalla ahli ham ichki ishlar xodimlariga qo‘shilmoqda.

Foto: Namangan viloyat IIB matbuot xizmati

Guruhlar faoliyati Navro‘z bayramiga qadar viloyatning barcha shahar va tumanlarida davom ettiriladi.
 
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Namanganda ichki ishlar ko‘ngilli guruhlari obodonlashtirish va ta’mirlash ishlarida ko‘maklashmoqda appeared first on Daryo .
Batafsil | Подробно | Read more... Daryo