Londonliklar uchun atalmagan kun. “Chelsi” Manchesterda yana yengildi, “Arsenal” ketma-ket to‘rtinchi mag‘lubiyatiga imzo chekdi

Futbol bo‘yicha Angliya Premyer-Ligasining 29-tur bellashuvlari bugun — 5-mart kuni bo‘lib o‘tadigan “Kristal Pelas” — “Manchester Yunayted” o‘yini bilan o‘z yakuniga yetadi.

Foto: FotMob

Kecha esa Londonning ikki klubi mag‘lubiyat alamini totib ko‘rdi. Bir tur avval “Old Trafford”da mehmon bo‘lib, “Manchester Yunayted” futbolchilaridan 1:2 hisobida yengilgan “Chelsi”, bu safar Manchesterning boshqa bir klubi “Siti”ga ham qarshilik qila olmadi — 0:1. Shu tariqa Antonio Konte boshchilik qilayotgan jamoa kuchli to‘rtlikdan yanada uzoqlashdi. Boisi bir kun avval “Liverpul” va “Tottenhem” klublari ishonchli g‘alabalarni qo‘lga kiritgandi.
APL 29-turi koreyalik futbolchilar uchun ataldi. “Tottenhem” va “Liverpul”da ishonchli g‘alaba. Bugun esa “Siti” — “Chelsi” o‘yini



“Arsenal” esa o‘zi ishtirok etgan so‘nggi 8 ta bellashuvning 6 tasida imkoniyatni boy berdi. Ketma-ket to‘rt o‘yinda “to‘pchilar” maydonni boshlari egik holda tark etishdi. “Brayton”ga qarshi o‘yinda ham ular aqalli durangga erisha olmadi.



Arsen Venger jamoasi Chempionlar Ligasi yo‘llanmasini qo‘lga kiritishni istasa, Yevropa Ligasida zafar quchishi kerak bo‘ladi. Bu musobaqada “Arsenal”ning raqibi “Milan”dir. Birinchi uchrashuv 8-mart kuni bo‘lib o‘tadi.
Angliya Premyer-Ligasi
29-tur bellashuvlari
4-mart, yakshanba
“Brayton” — “Arsenal” 2:1
Gollar: Lyuis Dank, 7 (1:0). Glenn Myurrey, 26 (2:0). Pyer-Emerik Obameyang, 43 (2:1).
“Manchester Siti” — “Chelsi” 1:0
Gol: Bernardu Silva, 46 (1:0).
5-mart, dushanba
“Kristal Pelas” — “Manchester Yunayted” 01:00

Foto: FotMob

“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Londonliklar uchun atalmagan kun. “Chelsi” Manchesterda yana yengildi, “Arsenal” ketma-ket to‘rtinchi mag‘lubiyatiga imzo chekdi appeared first on Daryo .
Batafsil | Подробно | Read more... Daryo