O‘zbekiston Mudofaa vazirligi kursantlari birinchi marta xalqaro olimpiadaning final bosqichida ishtirok etadi

Harbiy ta’lim sohasidagi xalqaro harbiy hamkorlik doirasida O‘zbekiston Mudofaa vazirligi oliy harbiy ta’lim muassasalarining kursantlari ilk bor kursantlar o‘rtasidagi xalqaro olimpiadaning final bosqichida ishtirok etadi. Bu haqda “Daryo”ga vazirlik matbuot xizmati xabar berdi.

Foto: Mudofaa vazirligi

Olimpiadaning birinchi bosqichi vazirlik oliy harbiy ta’lim muassasalarining kursantlari o‘rtasida o‘tkazilgan edi, bosqich g‘oliblari esa harbiy bilim yurtlari jamoalari o‘rtasida bo‘lib o‘tgan navbatdagi bosqichda ishtirok etgandi.
Mudofaa vazirligi oliy harbiy ta’lim muassasalari jamoalari o‘rtasida o‘tkazilgan xalqaro olimpiadaning ikkala bosqichida ham g‘olib chiqqanlar uchinchi — final bosqichiga yo‘l oldi.

Foto: Mudofaa vazirligi

2017-yilda bellashuvlarda Rossiya Mudofaa vazirligi oliy harbiy ta’lim muassasalari, ilmiy rotalar, harbiy ta’lim markazlari va harbiy kafedralar, shuningdek, MDHga a’zo davlatlar — Ozarbayjon, Belarus, Qozog‘iston, Qirg‘iziston, Tojikiston harbiy bilim yurtlaridan jami 44 jamoa tarkibida 176 kursant ishtirok etgan edi. O‘tgan yili xalqaro olimpiadada kuzatuvchi sifatida qatnashgan O‘zbekiston vakillari joriy yilda uning to‘laqonli ishtirokchisiga aylandi.
Musobaqada O‘zbekiston sharafini 26 nafar kursant himoya qiladi.
O‘zbekiston va jahon yangiliklari — Telegram’ingizda!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston Mudofaa vazirligi kursantlari birinchi marta xalqaro olimpiadaning final bosqichida ishtirok etadi appeared first on Daryo .
Batafsil | Подробно | Read more... Daryo