O‘zbekistonda har yili 10–11-sinf o‘quvchilari o‘rtasida matematika, fizika va informatikadan ko‘rik-tanlov o‘tkaziladi

Endi O‘zbekistonda har yili 10–11-sinflarning iste’dodli o‘quvchilari o‘rtasida matematika, fizika va informatika fanlari bo‘yicha ko‘rik-tanlov bo‘lib o‘tadi. Axborot texnologiyalari va kommunikatsiyalarini rivojlantirish vazirligi va Xalq ta’limi vazirligi shu to‘g‘ridagi nizomni tasdiqladi, deb xabar beradi O‘zA.

Foto: Google Photos

Axborot texnologiyalari va kommunikatsiyalarini rivojlantirish vazirligidan ma’lum qilishlaricha, ko‘rik-tanlovdan ko‘zlangan asosiy maqsad Muhammad al-Xorazmiy merosini targ‘ib qilish, yosh avlod o‘rtasida aniq fanlarni o‘rganishga qiziqishni oshirish, axborot texnologiyalari sohasida yangi iste’dodlarni aniqlash va ularning salohiyatini yuzaga chiqarish uchun sharoit yaratishdan iborat.
Tanlov uch bosqichda o‘tkaziladi. Dastlab ishtirokchilar maktabda matematika, fizika va informatika bo‘yicha onlayn test sinovidan o‘tadi. 79 dan ortiq ball to‘plaganlar ikkinchi bosqichda ishtirok etish huquqini qo‘lga kiritadi.
Ikkinchi bosqich hududiy bo‘lib, uning g‘oliblari Toshkentdagi Inha universitetida bo‘lib o‘tadigan ko‘rik-tanlovning final bosqichiga yo‘l oladi.
Ko‘rik-tanlov g‘oliblari va sovrindorlari “Muhammad al-Xorazmiy izdoshlari” sovrini va pul mukofotiga sazovor bo‘ladi.
Telegram’ingizda hali ham “Daryo”ning rasmiy kanali yo‘qmi? Join!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekistonda har yili 10–11-sinf o‘quvchilari o‘rtasida matematika, fizika va informatikadan ko‘rik-tanlov o‘tkaziladi appeared first on Daryo .
Batafsil | Подробно | Read more... Daryo