Veronadagi muzeydan Rubens va Tintoretto asarlari o‘g‘irlab ketildi

Italiyaning Verona shahridagi Kastelvekkio muzeyidan 15 ta kartina, shu jumladan, Rubens, Tintoretto, Pizanello va Karotoning asarlari o‘g‘irlab ketildi, deya xabar bermoqda Meduza. O‘marilgan rasmlar qiymati 10—15 million yevroga baholanmoqda.

Foto: “Tripadvisor.ru”

20-noyabrga o‘tar kechasi muzeyga uch nafar qurollangan va niqob taqqan jinoyatchilar kirgan. Bu paytda binoda bir soqchi va yana bir muzey xodimi bo‘lgan. O‘g‘rilar soqchini kartinalar joylashgan zalga olib borishga majbur qilgan.
Verona meri o‘g‘rilarning qaysi kartinalarni olib ketganiga qarab, ularni professional deb atadi. Uning so‘zlariga ko‘ra, o‘marilgan asarlar muzey kolleksiyasidagi eng qimmatlilaridir.
Batafsil | Подробно | Read more... Daryo