O‘zbekiston sayyohlik salohiyati Berlinda namoyish etilmoqda

9-mart kuni Germaniya poytaxti Berlin shahrida “ITB Berlin – 2018” xalqaro turizm ko‘rgazmasi o‘z ishini boshladi, deb xabar beradi “O‘zbekiston havo yo‘llari” MAK matbuot xizmati.

Foto: “O‘zbekiston havo yo‘llari” MAK matbuot xizmati

Joriy yilda ushbu ko‘rgazmada 185 mamlakatdan o‘n mingdan ziyod firma va kompaniya vakillari ishtirok etmoqda.
Mazkur nufuzli forumda O‘zbekiston sayyohlik salohiyati yagona “O‘zbekiston” milliy stendida taqdim etilmoqda. “O‘zbekiston havo yo‘llari” milliy aviakompaniyasi o‘z xizmatlarini jumladan, faoliyati haqidagi axborot materiallari, aviaparki, qatnovlar jadvali va havo kemasi sahnidagi xizmatlarini namoyish qilmoqda.
Qayd etilishicha, 6-mart kuni O‘zbekistonning Germaniyadagi elchixonasida mamlakat sayyohlik salohiyatining taqdimoti bo‘lib o‘tgan.
Anjumanda “O‘zbekiston havo yo‘llari” milliy aviakompaniyasi hamda ikki davlat sayyohlik sohasi vakillari ishtirok etdi.
Tadbirda turizm sohasidagi xalqaro hamkorlikni yanada rivojlantirish istiqbollari haqida so‘z yuritildi. O‘zbekistonning tabiiy, tarixiy va madaniy merosi, diqqatga sazovor joylari, sayyohlik sohasida amalga oshirilayotgan ishlar haqida ma’lumot berildi. Shuningdek, tadbir davomida B2B shaklidagi uchrashuvlar ham o‘tkazildi.
O‘zbekiston va jahon yangiliklari — Telegram’ingizda!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston sayyohlik salohiyati Berlinda namoyish etilmoqda appeared first on Daryo .
Batafsil | Подробно | Read more... Daryo