Gulchehra Yuldasheva o‘rniga Maqsudjon Yuldashev maktabgacha ta’lim vaziri o‘rinbosari bo‘ldi

O‘zbekiston Prezidentining 6-martdagi qaroriga asosan, Maqsudjon Yuldashev O‘zbekiston maktabgacha ta’lim vaziri o‘rinbosari etib tayinlandi. Vazirlik matbuot xizmatining axborotiga ko‘ra, Yuldashev 9-mart kuni vazirlik jamoasiga bosh vazir o‘rinbosari Qahramon Akmalov tomonidan tanishtirilgan.

Bosh vazir o‘rinbosari Qahramon Akmalov (markazda), maktabgacha ta’lim vaziri Agrepina Shin (o‘ngdan ikkinchi), Maqsudjon Yuldashev (eng o‘ngda), vazirlik boshqarma boshlig‘i o‘rinbosari Shahnoza Mirziyoyeva (chapdan ikkinchi). Foto: Maktabgacha ta’lim vazirligi matbuot xizmati

Maqsudjon Yuldashev 1978-yilda tug‘ilgan. 1999-yil Toshkent davlat iqtisodiyot universiteti bakalavr bosqichini, 2002-yilda shu universitet magistraturasini, 2010-yilda esa Prezident huzuridagi Davlat va jamiyat qurilishi akademiyasini tamomlagan.
Mehnat faoliyatini 2000-yili “Ustoz” jamg‘armasi uslubchisi sifatida boshlab, 2003-yilga qadar shu jamg‘armada faoliyat ko‘rsatgan. 2003—2009-yillarda O‘zbekiston Prezidentining “Iste’dod” jamg‘armasi iqtisodchisi va bosh hisobchisi, 2010—2012-yillarda Xalq ta’limi vazirligi Nazorat va tahlil boshqarmasi boshlig‘i, 2012—2016-yillarda Abdulla Avloniy nomidagi xalq ta’limi pedagog xodimlarini qayta tayyorlash va malakasini oshirish markaziy instituti rektori, 2016—2017-yillarda Xalq ta’limi vazirligi Ta’lim muassasalari faoliyatini tashkil etish bosh boshqarmasi boshlig‘i va 2017-yildan 2018-yilning 6-martiga qadar Prezident Devoni bosh konsultanti lavozimlarida ishlagan.
“Shu vaqtgacha maktabgacha ta’lim vaziri o‘rinbosari lavozimida ishlab kelgan Gulchehra Yuldasheva boshqa ishga o‘tganligi munosabati bilan, ushbu lavozimdan ozod etildi”, — deyiladi vazirlik axborotida.
O‘zbekiston va jahon yangiliklari bilan Telegram orqali tanishing!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Gulchehra Yuldasheva o‘rniga Maqsudjon Yuldashev maktabgacha ta’lim vaziri o‘rinbosari bo‘ldi appeared first on Daryo .
Batafsil | Подробно | Read more... Daryo