Surxondaryoda shifoxonadan salkam 22 millionlik jihozlarni o‘g‘irlab ketgan shaxs qo‘lga olindi

Surxondaryo viloyati sil kasalligiga qarshi kurash dispanseri ma’muriyati Termiz shahar ichki ishlar bo‘limiga mazkur tibbiyot muassasasida o‘g‘irlik sodir bo‘lganini ma’lum qildi. Xabarga ko‘ra, tunda noma’lum shaxs laboratoriya bo‘limidan qiymati salkam 9 million so‘mlik “Twincubator — 7025009” rusumli qon o‘lchagich, 12,5 million so‘mlik Primo star rusumli mikroskop uskunalari, bir dona tefal hamda bitta tibbiy xalatni o‘marib ketgan, deb xabar berdi O‘zA.

Foto: Misanec

Tezkorlik bilan olib borilgan qidiruv ishlari natijasida laboratoriya jihozlarini tibbiyot muassasasi joylashgan Temir yo‘lchi mahallasida yashovchi 40 yoshdagi Shokir Layliyev (ism-shariflar o‘zgartirilgan) o‘g‘irlagani aniqlanib, ushlandi va ashyoviy dalillar hujjatlashtirib olindi.
Bundan 6 yil muqaddam ham o‘g‘rilik jinoyati uchun sudlangan Layliyevga nisbatan O‘zbekiston Respublikasi Jinoyat Kodeksining 169-moddasi 4-qismi “b” bandi bilan jinoyat ishi qo‘zg‘atildi. Ayni paytda tergov-surishtiruv harakatlari olib borilmoqda.
O‘zbekiston va jahon yangiliklari — Telegram’ingizda!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Surxondaryoda shifoxonadan salkam 22 millionlik jihozlarni o‘g‘irlab ketgan shaxs qo‘lga olindi appeared first on Daryo .
Batafsil | Подробно | Read more... Daryo