O‘zbekistonning Pokistondagi elchisi “Naqshbandiya” ordeni yetakchisi Pir Naqib ur-Rahmon bilan uchrashdi

O‘zbekistonning Pokistondagi favqulodda va muxtor elchisi Furqat Sidiqov Ravalpindi shahriga ishchi tashrifi davomida mamlakatdagi “Naqshbandiya” ordeni yetakchisi Pir Naqib ur-Rahmon bilan uchrashdi, deb yozadi “Jahon” axborot agentligi.

Foto: “Jahon” axborot agentligi

Bo‘lib o‘tgan suhbat davomida O‘zbekiston Prezidenti Shavkat Mirziyoyevning tashabbusi bilan mamlakatda islom ma’naviy, tarixiy-madaniy merosini rivojlantirish, ayniqsa Imom Buxoriy va Bahouddin Naqshband kabi buyuk mutafakkir va olimlarning ishlarini o‘rganish va targ‘ib qilish bo‘yicha o‘tkazilayotgan keng qamrovli islohotlar haqida ma’lumot berildi.
Ta’kidlash joizki, Pir Naqib ur-Rahmon shayx Hafiz Muhammadning merosxo‘ri va Zahiriddin Muhammad Boburning to‘g‘ridan to‘g‘ri avlodi hisoblanadi.
Uning so‘zlariga qaraganda, O‘zbekiston rahbariyati tomonidan o‘tkazilayotgan ochiqlik siyosati, diniy ta’lim va ziyorat turizmi sohasidagi islohotlar natijasida yaqin kelajakda O‘zbekiston yana islom dunyosining ma’naviy va marifiy markaziga aylanishi mumkin.
Hozirgi paytda O‘zbekiston elchixonasi tomonidan Islomobodda joriy yilning aprelida “Naqshbandiya” tariqati merosini o‘rganishga bag‘ishlangan xalqaro konferensiyani tashkil etish masalasi ko‘rib chiqilmoqda.
Telegram’ingizda hali ham “Daryo”ning rasmiy kanali yo‘qmi? Join!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekistonning Pokistondagi elchisi “Naqshbandiya” ordeni yetakchisi Pir Naqib ur-Rahmon bilan uchrashdi appeared first on Daryo .
Batafsil | Подробно | Read more... Daryo