El-Klasiko arafasida Facebook foydalanuvchilarga vaqtinchalik profil suratidan foydalanishni taklif qildi

Futbol bo‘yicha Ispaniya chempionati 12-tur uchrashuvlari doirasida Madridning “Real” va Kataloniyaning “Barselona” klublari o‘rtasida bo‘ladigan uchrashuv — El-Klasiko arafasida Facebook ijtimoiy tarmog‘i o‘z foydalanuvchilariga profil suratlarini mos ravishda “Real Madrid” yoki “Barselona” ramzlari bilan bezashni taklif qildi.

Facebook’dagi xabarlar lentasiga ko‘z yugurtirayotganingizda, profiliga “Real Madrid” yoki “Barselona” klubi ramzlari fonidagi suratini joylashtirgan yaqinlaringizni ko‘rgansiz. Aynan shu yaqinlaringiz profil fotosuratini o‘zgartirgani haqidagi xabar (status) ostida taxminan mana bunday yozuv bo‘ladi:

“Sinab ko‘rish” tugmasini bosishingiz bilan, quyidagicha oyna ochiladi: unda nafaqat El-Klasiko bilan bog‘liq fonlar, balki boshqa tadbirlar uchun ham tasvirlarni topish mumkin (masalan, Parijdagi teraktlardan so‘ng, ko‘pchilikning profil suratida Fransiya bayrog‘i shu yo‘l bilan paydo bo‘lgandi):

“Barselona” ishqibozlariga ham, “Real Madrid” muxlislariga ham Facebook ikkitadan surat bezagini taklif qilgan (quyida “Real” uchun mo‘ljallangan bezakning ikkinchisi):

Facebook’ning bu xizmati “Vaqtinchalik profil surati” (Temporary profil picture) deb ataladi. Xohlasangiz, bu suratni atigi bir soatga, istasangiz bir necha kunga joylashtirishingiz yoki doimiy sifatida qoldirishingiz mumkin.

Eslatib o‘tamiz, “Real Madrid” va “Barselona” o‘rtasidagi uchrashuv 21-noyabr, shanba kuni Toshkent vaqti bilan 22:15 da boshlanadi.
Batafsil | Подробно | Read more... Daryo