Bugun 14-mart kuni Fransiya futbol federatsiyasi prezidenti mahkamasi boshlig‘i Kenni Jan Mari va texnik direktor o‘rinbosari Lyudovik Debryu O‘zbekistonga keldi. Bu haqda O‘FA axborot xizmati xabar bermoqda .
Foto: O‘FA
Milliy olimpiya qo‘mitasida fransiyalik mehmonlarni Milliy olimpiya qo‘mitasi prezidenti, O‘FA birinchi vitse-prezidenti Umid Ahmadjonov va Jismoniy tarbiya va sport vaziri Shoakrom Isroilov qabul qildi.
Joriy yilning 23-yanvar kuni O‘zbekiston Milliy olimpiya qo‘mitasi prezidenti va O‘zbekiston futbol Assotsiatsiyasi birinchi vitse-prezidenti Umid Ahmadjonov Parijda Fransiya futbol federatsiyasi mutassaddilari bilan uchrashib, O‘zbekistonda futbolni yangi bosqichga olib chiqish bo‘yicha o‘zaro hamkorlik qilish borasida kelishuvga erishgandi.
Jumladan, Fransiya futbol federatsiyasi prezidenti mahkamasi Xalqaro bo‘lim boshlig‘i Kenni Jan Mari uchrashuv davomida bolalar futboli bo‘yicha fransiyalik mutaxassislarni O‘zbekistonga olib kelish, mamlakatdagi yosh futbolchilarni Fransiya jamoalariga jalb qilish, Superligada ishtirok etadigan jamoalarning saviyasini oshirish, ularning ish faoliyatini Yevropa andazalari asosida yo‘lga qo‘yish maqsadida klublar bosh direktorlari va akademiyalar rahbarlarini Parijga malaka oshirish va tajriba o‘rganishga yuborish masalalari muhokama qilingandi.
Foto: O‘FA
“Siz bilan Fransiyada uchrashganimizda O‘zbekistonga borishga va’da bergandik. Mana, va’damning ustidan chiqib, yurtingizga tashrif buyurdik. O‘zbekistonda iqtidorli futbolchilar juda ko‘p ekanini yaxshi bilamiz. O‘zbekiston olimpiya terma jamoasi Xitoyda o‘tgan Osiyo chempionatida bosh sovrinni qo‘lga kiritgani bejiz emas. Ana shu iqtidorlarni to‘g‘ri yo‘naltirish orqali mamlakatingiz futbolda katta natijalarga erishishi mumkin. Siz, yuqorida Milliy olimpiya qo‘mitasi, Jismoniy tarbiya va sport vazirligi va O‘zbekiston futbol Assotsiatsiyasi birgalikda ish olib borishi borasida gapirib o‘tdingiz. Bu juda to‘g‘ri yo‘l. Fransiya ham 40 yil avval mana shu yo‘lni tanlagan. Fransiya futboli ushbu darajaga yetib kelguniga qadar katta yo‘lni bosib o‘tdi. Xato va kamchiliklarga yo‘l qo‘yildi.
Maqsadimiz, o‘zimizning rivojlanish bosqichimiz bo‘yicha tajribamiz bilan o‘rtoqlashish. Buning uchun avval yurtingizdagi futbol bo‘yicha umumiy holat bilan yaqindan tanishishimiz kerak. Keyin xulosa qilib, o‘z takliflarimizni beramiz. Buning uchun janob Lyudovik Debryu O‘zbekistonda menga qaraganda ko‘proq qolib, vaziyat bilan yaqindan tanishadi. Superliga uchrashuvlarini stadiondan tomosha qiladi. Stadionlar, infratuzilmalarni ko‘zdan kechiradi. Keyin o‘zimizning amaliy maslahatlarimizni berishga harakat qilamiz”, — dedi Kenni Jan Mari.
Fransiya futbol federatsiyasi vakillari ertaga O‘FAda marketing bo‘yicha O‘zbekistondagi mutaxassislar uchun seminar o‘tkazishlari rejalashtirilgan. Keyin esa “Bunyodkor” stadioniga borib, u yer bilan yaqindan tanishadi.
O‘zbekiston va jahon yangiliklari bilan Telegram orqali tanishing!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Fransiya FF prezidenti mahkamasi boshlig‘i va texnik direktori o‘rinbosari O‘zbekistonga tashrif buyurdi appeared first on Daryo .
Batafsil | Подробно | Read more... Daryo
Related News
Top News
-
Samarqandda haydovchidan pora so‘ragan YPX xodimlari ishdan bo‘shatildi.
Ularning rahbarlariga nisbatan intizomiy ta’sir choralari qo‘llangan..
-
-
-
ANORBANK va XSRIK O‘zbekistonda birinchi Islom bankini yaratish bo‘yicha kelishuvga erishdi.
ANORBANK Ar-Riyod shahrida bo‘lib o‘tgan Islom taraqqiyoti bankining yillik anjuman yig‘ilishi hamda bank faoliyatining 50 yilligiga bag‘ishlangan...
-
YeI Gurjistonda namoyishchilarga nisbatan zo‘ravonlikni qoraladi.
Jozep Borrel Gurjiston rasmiylarining «chet el agentlari» haqidagi qonun loyihasiga qarshi namoyishlar ishtirokchilarining hibsga olinishiga olib...
-
Namanganda qo‘shnisini o‘ldirish uchun qotil yollagan shaxs 10 yilga qamaldi .
Huquqni muhofaza qiluvchi organlar xodimlari tomonidan o‘tkazilgan tezkor tadbirda jabrlanuvchi grimm qilinib, molxona binosida qo‘l-oyoqlari...