Qashqadaryoda 6 yoshli qizining tanasini kuydirib, uni ayovsiz kaltaklagan ayol ozodlikdan mahrum qilindi (video)

2017-yilning 28-noyabrida 6 yoshli Mubina Tojiboyeva Qashqadaryo viloyati Nishon tumani Paxtazor MFYdagi dala-hovlida ota-onasi tomonidan qarovsiz qoldirib ketilgan. Bu haqda “Sevimli TV”ning “Zamon” axborot dasturida xabar qilindi, deb yozadi UZ24.

Foto: UZ24

Jinoyat ishlari bo‘yicha Qarshi shahar sudi sudyasi Bobur Imomovning ma’lum qilishicha, IIB xodimlari tomonidan qizaloq achinarli ahvolda — tanasiga turli darajadagi jarohatlar yetkazilgan holatda topilgan. Olib borilgan sud-tergov jarayonida ushbu jinoyatni uning onasi Dilafro‘z Tojiboyeva sodir etganligi aniqlangan.
Xabarda aytilishicha, ayol hech bir sababsiz o‘z farzandini ayovsiz kaltaklab kelgan, tanasini olov bilan kuydirib, bu qilmishini qizining kasalligi bilan xaspo‘shlashga uringan.
Qizaloqning so‘zlariga ko‘ra, onasi uning qo‘llarini bog‘lab, qiynoqqa solgan, tanasini yondirgich bilan yoqib, tuz sepgan va pichoq bilan kesgan.

Foto: UZ24

Qarshi shahrida o‘tkazilgan sayyor sud majlisida fuqaro Dilafro‘z Tojiboyevaga nisbatan yuritilgan jinoyat ishi ko‘rib chiqildi. Sud hukmi bilan ayol 8 oy muddatga ozodlikdan mahrum qilindi.
Mubina Tojiboyeva ayni vaqtda Kitob tumanidagi 5-sonli Mehribonlik uyida tarbiyalanmoqda.



O‘zbekiston va jahon yangiliklari — Telegram’ingizda!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Qashqadaryoda 6 yoshli qizining tanasini kuydirib, uni ayovsiz kaltaklagan ayol ozodlikdan mahrum qilindi (video) appeared first on Daryo .
Batafsil | Подробно | Read more... Daryo