Qidiruvda bo‘lgani uchun 6 yildan beri Dubayda yashirinib yurgan parkentlik ayol qaytib keldi

Profilaktik ishlar o‘z samarasini berib, yillar davomida qidiruvda bo‘lganligi sababli chet elda yashirinib yurgan shaxslar tergovga keltirilmoqda. Bu haqda Toshkent viloyati IIB huzuridagi Tergov boshqarmasi ma’lum qildi, deya xabar berdi O‘zА .

Foto: Delfi

Qayd etilishicha, 1977-yilda Parkent tumanida tug‘ilgan G.M. Jinoyat kodeksining 135-moddasi (odam savdosi), 165-moddasi (tovlamachilik) va boshqa moddalarida nazarda tutilgan jinoyatlarni sodir etganlikda sirtdan ayblanib, sirtdan qamoqqa olish tarzidagi ehtiyot chorasi tanlangan holda unga nisbatan Parkent tuman IIB tomonidan 2012-yil 12-aprel kuni qidiruv e’lon qilingan edi.
Qidiruv harakatlari davomida, G.M bir necha yildan buyon Birlashgan Arab Amirliklarining Dubay shahrida yashab yurganligi, o‘ziga nisbatan qidiruv e’lon qilingani va qamoqqa olinishidan xavotirlanib, o‘z yurtiga qaytish niyatida emasligi aniqlandi.
Tuman prokuraturasi, IIB huzuridagi Tergov bo‘limi va jinoyat-qidiruv bo‘limi xodimlari hamkorlikda G.M.ning yaqin qarindoshlari bilan bir necha bor profilaktik suhbatlar o‘tkazdi. G.M. o‘z hohishi bilan tergov organiga kelgan taqdirda, unga nisbatan tanlangan qamoqqa olish ehtiyot chorasi boshqa turdagi ehtiyot chorasiga almashtirilishiga kafolat berilishi tushuntirilganligi natijasida 2018-yilning 9-mart kuni G.M O‘zbekistonga qaytib kelishiga erishildi.
Unga nisbatan 2012-yilda tanlangan qamoqqa olish tarzidagi ehtiyot chorasi bekor qilinib, munosib hulq-atvorda bo‘lish haqidagi tilxat bilan dastlabki tergov yakuniga qadar ochiqlikda qoldirilishi ta’minlandi. Hozirda Parkent tuman IIB huzuridagi Tergov bo‘limi tomonidan tergov harakatlari davom ettirilmoqda.
O‘zbekiston va jahon yangiliklari bilan Telegram orqali tanishing!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Qidiruvda bo‘lgani uchun 6 yildan beri Dubayda yashirinib yurgan parkentlik ayol qaytib keldi appeared first on Daryo .

Top News