Superliga. 1-turga 80 mingdan ziyod ishqiboz kelgandi. 3-turga keliboq bu ko‘rsatkich yangilandi

O‘zbekiston Superligasining 3-turi muxlislar tashrifi borasida eng yaxshisi bo‘ldi. Mazkur turdan joy olgan 6 ta uchrashuvni jami 85 209 nafar muxlis kuzatib bordi, deb xabar bermoqda O‘FA.

Foto: O‘FA

Mavsumdagi ilk turni ko‘rish uchun stadionlarga 80 570 ishqiboz tashrif buyurgandi. Bunda eng ko‘p ishqiboz “Neftchi” — “Nasaf” o‘yiniga keldi — 19 632.
2-turda esa tashriflar soni kamaygan — 57 876. Biroq 1 ta o‘yin borasidagi ko‘rsatkich yaxshilandi hamda “Bunyodkor” va “Paxtakor” klublari o‘rtasidagi Toshkent derbisini 20 168 muxlis stadiondan kuzatdi. Bu ko‘rsatkich mazkur ikki klubning o‘zaro o‘yinlardagi rekord natijasi bo‘ldi. Bungacha 2008-yilgi mavsumdagi Toshkent derbisini 18 mingdan ko‘proq ishqiboz kuzatib borgandi.
3-turga kelib Superliganing rekordi Namanganda yangilandi. “Navbahor” hamda “Lokomotiv” jamoalari ishtirokidagi o‘yinni 25 300 ishqiboz stadiondan kuzatdi. Shu kuni ayrim sektorlarga chiptalar 30 mingdan sotilgan bo‘lsa-da, stadion kassalarida birorta ham chipta qolmadi. Shuningdek, Namangandagi stadionga kirish istagida bo‘lgan yana minglab muxlislar tribunalardan joy topa olmay, “Navbahor”ni maydon tashqarisida qo‘llab turdi.
Natijada 3-turda umumiy ko‘rsatkich yanada yaxshilandi. Undan joy olgan 6 ta uchrashuvni ko‘rish uchun jami 85 209 ishqiboz stadionga keldi.

“Metallurg” – “Qo‘qon-1912” — 5 641
“Buxoro” – “So‘g‘diyona” — 14 800
“Neftchi – “Bunyodkor” — 18 051
“Navbahor” – “Lokomotiv” — 25 300
“Paxtakor” – AGMK — 12 852
“Qizilqum” – “Nasaf” — 8 565

Kun iqtibosi, kun raqami, qiziqarli ovozli xabarlar, tonggi va kechki dayjestlar — Telegram’da!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Superliga. 1-turga 80 mingdan ziyod ishqiboz kelgandi. 3-turga keliboq bu ko‘rsatkich yangilandi appeared first on Daryo .
Batafsil | Подробно | Read more... Daryo