Lionel Messi: “Real” ustidan ajoyib g‘alabaga erishdik

“Barselona” klubi hujumchisi Lionel Messi “Real”ga (4:0) qarshi kechgan Ispaniya chempionatining 12-tur uchrashuvidan so‘ng o‘z fikrlarini bildirdi, deb xabar qiladi “Uff.uz”.

Foto: Mirror

“Klasikoda ajoyib g‘alabaga erishdik. Maydonga qaytganim esa so‘zsiz quvonchli hodisa.
Oldinda o‘yinlar ko‘p, ammo biz kurashishda davom etamiz va barcha uchrashuvlarda g‘alaba qozonishga harakat qilamiz”, — deb yozdi Messi Facebook sahifasida.
Eslatib o‘tamiz, argentinalik futbolchi o‘yinning 57-daqiqasida Ivan Rakitichni almashtirib, 26-sentabrdan buyon ilk bor maydonga tushdi.
12 turdan so‘ng “Real”ni 6 ochkoga ortda qoldirgan holda “Barselona” La Ligada peshqadamlik qilmoqda.
Batafsil | Подробно | Read more... Daryo