Namangan shahrida Navro‘z sayli 5 tonnalik sumalakni tarqatish bilan boshlandi. Bu haqda “Daryo” muxbiri Azizbek Abduvaliyev xabar bermoqda.
Foto: Hamdam Mamadaliyev
Sumalakning uchdan bir qismi viloyatdagi mehribonlik, saxovat uylari, shifoxonalar va kam ta’minlangan oilalarga yetkazildi. Shuningdek, saylga kelgan namanganliklar, viloyat mehmonlari ham bahor taomidan bahramand bo‘ldi. Ularga 15 mingdan ortiq bir martalik idishlarda sumalak tarqatildi.
Foto: Hamdam Mamadaliyev
Namangan shahridagi Bobur nomli madaniyat va istirohat bog‘i har qachongidan ko‘p ziyoratchi bilan to‘ldi. Qozon atrofidagi muhit dunyoning eng katta turizm tadbirlarini ham ortda qoldirdi. Yaponlar, turklar, koreyslar, nemislar, ruslar va boshqa millat vakillari bayram shukuhini namanganliklar bilan birga baham ko‘rdi.
Foto: Hamdam Mamadaliyev
Ayrim xorij OAVlarida “Namanganda ‘megasumalak’ uchun aholidan o‘lpon yig‘ildi” qabilida xabarlar berildi. Qayd etish joizki, tadbir tashkiliy qo‘mitasi “bu ehson sumalagi, biz ham qo‘shilaylik, un yoki yog‘ olib beraylik” degan takliflarni rad etdi va “hammasi yetarli, bunga hech qanday ehtiyoj yo‘q” deya javob berdi.
Foto: Hamdam Mamadaliyev
Ma’lumot uchun, tayyorgarlik jarayonida 1,1 tonna bug‘doy tozalandi va yuvildi, 2,5 tonna un elakdan o‘tkazildi. Bu jarayonda 300 nafardan ziyod xotin-qiz ishtirok etdi.
Foto: Hamdam Mamadaliyev
Yuvilgan bug‘doy maxsus tayyorlangan va umumiy yuzasi 112 kvadrat metrdan ko‘proq bo‘lgan 50 xontaxtaga undirgani qo‘yildi. Sumalak pishirishga jalb etilgan 25 nafar ayolning tun-u kun navbatchiligi tashkil qilindi. Maysani parvarishlash jarayonida otinoyilar tomonidan xatmi Qur’on o‘qildi, yurtga tinchlik-osoyishtalik, dehqonchilikka baraka, ezgu ishlarga rivoj tilandi.
Foto: Hamdam Mamadaliyev
Qiymalagichdan chiqarilgan 5,2 ming litr bug‘doy shirasi katta qozon atrofiga joylashtirilgan 27 doshqozonga jo bo‘ldi. 250 litr o‘simlik moyi va 2,4 ming litr suv ishlatilgan, daryodan maxsus terib kelib, yuvib-qaynatib tozalangan tosh solingan sumalak 24 soat qaynadi.
Foto: Hamdam Mamadaliyev
21-mart – Navro‘z tongida qozon o‘ramasi ochildi va barcha kutgan sumalak mehmon va mezbonlarga tortiq qilindi.
Foto: Hamdam Mamadaliyev
Foto: Hamdam Mamadaliyev
Foto: Hamdam Mamadaliyev
Shuningdek, sayl davomida bo‘lib o‘tgan “Do‘ppiday osh” ko‘rik-tanlovida mohir pazandalar eng kam miqdor — 250 gramm guruch damlash bo‘yicha bahsga kirishdi. “Tandir shou” bellashuvida tandirda pishiriladigan taomlar tayyorlash mahorati sinovdan o‘tkazildi.
Foto: Hamdam Mamadaliyev
San’atkorlar, sirk jamoalari, yozuvchi va shoirlarning chiqishlari bayram kayfiyati ko‘tarinki bo‘lishini ta’minladi.
Foto: Hamdam Mamadaliyev
Foto: Hamdam Mamadaliyev
O‘zbekiston va jahon yangiliklari — Telegram’ingizda!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Namanganda “Sumalak sayli” yakuniga yetdi. 5 tonnalik sumalak 15 ming idishda mehmon va mezbonlarga tarqatildi (foto) appeared first on Daryo .
Batafsil | Подробно | Read more... Daryo
Related News
Top News
-
Toshkentda yo‘l chetidagi daraxtga borib urilgan Lacetti haydovchisi vafot etdi.
Yashnobod tumani Elbek ko‘chasida 1998 yilda tug‘ilgan haydovchi Lacetti'ni boshqarib ketayotib, rul boshqaruvini yo‘qotgan va yo‘l chetidagi...
-
Telegram o‘z ichki valutasini joriy qildi.
Telegram Stars deb nomlangan raqamli valutani elektron kitoblar va onlayn kurslardan tortib to o‘yinlardagi mahsulotlargacha har qanday raqamli...
-
Bayden AQShning Ukrainaga yordami kechikkani uchun Zelenskiydan uzr so‘radi.
U yana 225 million dollarlik yordam va’da qilgan..
-
Issiq urishi tanaga qanday ta’sir qiladi? Shu sabab ham odam o‘lishi mumkinmi?.
Kuchli issiq sabab tana o‘zini sovutishga harakat qilib zo‘riqadi va natijada yurak xuruji kabi xavfli holatlar sodir bo‘ladi. Statistikaga ko‘ra,...
-
Rossiya kompaniyasi O‘zbekistonga elektr energiyasi yetkazib berishni boshlashi mumkin.
Rossiyaning «Inter RAO» energetika kompaniyasi O‘zbekistonga elektr yetkazib berishni rejalashtiryapti. Kompaniya kuzatuv kengashi raisi Aleksandra...
-
Qozog‘istonda ichida O‘zbekiston fuqarolari bo‘lgan avtomobil yonib ketdi.
Ikki kishi shifoxonaga yotqizilgan..