“Navoiy” KMK Surxondaryoda parrandachilik majmuasini ishga tushirdi

Surxondaryo viloyati Termiz tumanidagi Qo‘ng‘irot mahallasida zamonaviy parrandachilik majmuasi foydalanishga topshirildi, deya xabar bermoqda O‘zA.

Foto: O‘zA

Navoiy kon-metallurgiya kombinati tomonidan barpo etilgan majmuaning ochilish marosimida davlat va jamoat tashkilotlari vakillari, mahalla oqsoqollari va yoshlar ishtirok etdi.
Bir yilda 10 million dona tuxum va 120 tonna parhezbop parranda go‘shti ishlab chiqarish quvvatiga ega majmuada 66 kishi ish bilan ta’minlandi. Ularning aksariyati yoshlardir. Majmua to‘la quvvat bilan ishga tushgach, 105 kishi doimiy ish o‘rniga ega bo‘ladi.
Zamonaviy xorij uskunalari bilan jihozlangan majmuada bir yo‘la 36 ming jo‘ja va 30 ming tovuq parvarishlanadi.
Faol tadbirkorlik, innovatsion g‘oyalar va texnologiyalarni qo‘llab-quvvatlash yilida foydalanishga topshirilgan korxonani chiqitsiz texnologiya asosida ishlatish mo‘ljallanayotir. Shu maqsadda biogaz ishlab chiqarish uskunalari o‘rnatildi. Bu yerda parranda go‘ngidan olingan biogazdan majmuaning o‘zida foydalaniladi. Undan ajralib chiqqan chiqindi tabiiy o‘g‘it sifatida ishlatiladi. Tovuq paridan yumshoq yostiq tayyorlash yo‘lga qo‘yiladi.
Mazkur parrandachilik majmuasi Navoiy kon-metallurgiya kombinati tomonidan Surxondaryo viloyatida barpo etilgan ikkinchi zamonaviy loyihadir. O‘tgan yili kombinat foydalanishga topshirgan Termiz mexanika zavodida qishloq xo‘jaligi mahsulotlarini qayta ishlash korxonalari uchun asbob-uskuna va ehtiyot qismlar ishlab chiqarish yo‘lga qo‘yilgan. Uning ikkinchi bosqichini bunyod etishda qurilish-montaj ishlari qizg‘in davom etmoqda.
O‘zbekiston va jahon yangiliklari — Telegram’ingizda!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post “Navoiy” KMK Surxondaryoda parrandachilik majmuasini ishga tushirdi appeared first on Daryo .
Batafsil | Подробно | Read more... Daryo