Namanganda Yoshlar ittifoqi ko‘magida ikki kunda 20 ga yaqin ixcham to‘y o‘tdi

Namangan viloyatida 24-mart kunidan boshlangan “Yoshlar haftaligi” doirasida 20 ga yaqin namunali to‘y o‘tkazildi. Bu haqda Qahramon Quronboyevning Facebook’dagi sahifasida ma’lum qilindi .

Foto: Facebook / Qahramon Quronboyev

Ular belgilangan tartib asosida ixcham va ortiqcha dabdabasiz, yoshlarning sayr qilishi uchun 2 tadan mashina bilan hamda 120-150 kishidan iborat mehmonlar ishtirokida o‘tkazildi.
Shuningdek, to‘yoldi tomonlarning o‘zaro sarpolar, qimmatbaho sovg‘alar ulashish, to‘ydan bir kun oldingi “sabzi to‘g‘rar” kabi ortiqcha sarf–xarajat talab qiladigan urf-odatlar o‘tkazilmadi.
Murojaatlarga birinchilar qatorida “labbay” deb javob bergan yosh oilalarning har biriga Yoshlar ittifoqining esdalik sovg‘asi sifatida 28 turdagi kitoblar to‘plami (jami 196 ta kitob) taqdim etildi.

Foto: Facebook / Qahramon Quronboyev

Shuningdek, yangi turmush qurganlarga oilaning muqaddas ekanligi,burch va mas’uliyatlarini yodga solib turuvchi maxsus “Eslatma” hamda yosh oilalarning Buxoro shahridagi tarixiy maskanlarga ziyorat sayohati uchun bepul yo‘llanma ham taqdim etildi.
O‘zbekiston va jahon yangiliklari — Telegram’ingizda!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Namanganda Yoshlar ittifoqi ko‘magida ikki kunda 20 ga yaqin ixcham to‘y o‘tdi appeared first on Daryo .
Batafsil | Подробно | Read more... Daryo