Igor Sergeyev O‘zPFLda oktabr oyining eng yaxshi futbolchisi deb e’tirof etildi

O‘zbekiston milliy terma jamoasi hujumchisi Igor Sergeyev O‘zbekiston professional futbol ligasining oktabr oyidagi eng yaxshi futbolchisi, deb topildi. Bu haqda O‘zbekiston futbol federatsiyasi matbuot xizmati xabar bermoqda .

Foto: “Pakhtakor.uz”

O‘zbekiston Professional futbol ligasi va “Championat.asia” hamkorligida tashkil etilgan oy laureatlarini aniqlash borasidagi so‘rovnomada “So‘g‘diyona”, “Dinamo” va “Mash’al” (2ta) bilan o‘yinlarda jami 4ta gol urgan Sergeyev 63 ochko to‘pladi. Ta’kidlash lozimki, hujumchi iyun oyida ham ushbu so‘rovnomada eng yaxshi futbolchi deb e’tirof etilgan edi.
Shu o‘rinda ta’kidlab o‘tish joiz, Qarshining “Nasaf” klubi bosh murabbiyi Ro‘ziqul Berdiyev 71 ochko to‘plab oktyabr oyining eng yaxshi murabbiyi nomiga sazovor bo‘ldi.
Batafsil | Подробно | Read more... Daryo