Uch nafar rossiyalik jurnalist Suriyadagi otishmada yaralandi

Suriyada ichida rossiyalik jurnalistlar bo‘lgan avtomobil o‘q yomg‘iri ostida qoldi, deya xabar bermoqda “Gazeta.ru”.

Foto: TVC

Rossiya mudofaa vazirligi ma’lum qilishicha, 23-noyabr kuni Rossiya jurnalistlari guruhi Dagmashliya aholi punkti hududida Suriya hukumat armiyasi oldingi pozitsiyalariga qarab Zuayek strategik balandligiga yo‘l olganida ularning mashinasi “TOU” tankka qarshi boshqariluvchi raketa bilan o‘qqa tutilgan.
Rossiyaliklarning uch nafari yaralangan. Ulardan biri kontuziya bo‘lgan.
LifeNews xabariga ko‘ra, “TASS” muxbiri Aleksandr Yelistratov hamda RT jurnalistlari Sargona Xadayya va Roman Kosarev yaralangan. Taxminlarga ko‘ra, o‘qlar “Jibhat an-Nusra” jangarilari tomonidan otilgan.
Avvalroq, Turkiya—Suriya chegarasi yaqinida Rossiyaga tegishli harbiy samolyot qulagani haqida xabar berilgan edi. Turkiya harbiylarining tasdiqlashicha , samolyot Turkiya havo kengliklarini buzib o‘tganidan so‘ng urib tushirilgan. Samolyot Suriyaning Latakiya viloyatiga qulagan, ikki uchuvchi katapulta qilishga ulgurgan.
Batafsil | Подробно | Read more... Daryo