Buyuk Britaniyada Yelizaveta II ning 90 yillik yubileyi tantanalariga chiptalar sotilishi boshlandi

24-noyabr, seshanbadan Buyuk Britaniya qirolichasi Yelizaveta II 90 yoshga to‘lishi munosabati bilan o‘tkaziladigan tantanalarga chiptalar sotilishi boshlandi. Bu haqda “Vedomosti” xabar bermoqda .

Foto: Joinfo

Bir yarim soat davom etadigan tantanali marosim Vindzor qal’asining Xoum-parkida 2016-yil 12—15-may kunlari bo‘lib o‘tadi. Yelizaveta II haqiqiy tug‘ilgan kunini 21- aprelda nishonlaydi, qirolichaning rasmiy tavallud kuni esa odatda iyun oyining birinchi yoki ikkinchi shanbasida o‘tkaziladi.
Sotuvga 25 ming dona chipta chiqarilgan. 55 dan 165 funt sterlinggacha (83 dan 250 dollargacha) narx belgilangan chiptalar qirolicha oila a’zolari ishtirokidagi tadbirlar, 75 dan 195 funt sterlinggacha (113 dollardan 295 dollargacha) bo‘lgan chiptalar esa 15-may kuniga, Yelizaveta II shaxsan ishtirok etadigan marosim uchun mo‘ljallangan. To‘plangan barcha mablag‘ xayriya maqsadlarida ishlatilishi aytilmoqda.
Eslatib o‘tamiz, shu yil 9-sentabrida Yelizaveta II mamlakat tarixida eng uzoq hukm surgan monarxga aylandi: u taxtni 63 yil, yetti oy va ikki kun boshqargan qirolicha Viktoriya rekordini yangilagandi .
Batafsil | Подробно | Read more... Daryo