OAV: urib tushirilgan Su-24 samolyotining ikkinchi uchuvchisi suriyalik harbiylar tomonidan evakuatsiya qilingan

Rossiyaning Turkiya tomonidan urib tushirilgan Su-24 bombardimonchi samolyotining ikkinchi uchuvchisi suriyalik harbiy xizmatchilar tomonidan evakuatsiya qilingan, deya xabar bermoqda “Gazeta.ru” Al Mayadeen nashriga tayanib.

Foto: “Airforce.ru”

Ta’kidlanishicha, olti soat davom etgan qidiruvdan so‘ng uchuvchi bilan aloqa tiklangan. Suriya maxsus topshiriqli bo‘linmasi ikki soat davomida uchuvchini jangarilar fronti ortidan olib chiqqan. Ayni paytda u Xmeymimdagi Rossiya aviabazasida xavfdan xoli vaziyatdadir.
Ushbu ma’lumot rasman tasdiqlangani yo‘q.
Eslatib o‘tamiz, 24-noyabr kuni Rossiya harbiy samolyoti Turkiyaning F-16 qiruvchisi tomonidan urib tushirilgandi . Rossiya mudofaa vazirligi Su-24 samolyotining bir nafar uchuvchisi halok bo‘lganini rasman tasdiqladi .


Voqea: Turkiya urib tushirgan Su-24



Batafsil | Подробно | Read more... Daryo